قصيدة رثاء ويقفاها فتره انقطاع

قصيدة رثاء ويقفاها فتره انقطاع

بسم الله الرحمن الرحيم
مساءكم شعر ... الليله بأعطيكم قصيده مرثيه بوالدي الذي وافته المنيه بشهر رمضان الفايت ولكن ولله الحمد كانت الخاتمه : صائم .. معتمر ..مصلي صلاة الفجر ... وناطق الشهادة ... وزود على هذا كله متوفي بالحرم ودفنّاه بمقبره لا تبعد حوالي 150 متر من المسجد الحرام ومصلين عليه مصلين الحرم بيوم اثنين رمضان قبل صلاة التراويح ... وجميع ماذكرت هو اللي جعل فاجعته عليّ أخف من المتوقع...
وكنت من أكبر شعراء الغزل بقبيلتي لكن بعد وفاته اختفيت والاعضاء كلهم يقولون سمعنا قصيد لكن والله مالنا بالحزن لكن حبينا نسمعكم هالمرثيه وناخذ منكم فتره..وكانت قبل عيد الاضحى ..


ياوالدي باقي على العيد كم يوم ... ولا عاد عيد من فراقك ويومه
الخاطر اللي عقب فرقاك مهموم ... ماله سبيل في مفارق همومه
يظهر على عين العرب قوة عزوم ... طير كسير وجبر كسره عزومه
وهو لو إنه هدها ما لحق لوم ... من شاف كسره ظنتي ما يلومه
يونّ تالي الليل ويوّن ويقوم ... قومة كبير زاد وقته ظيومه
داري بإنه شي محكم ومقسوم ... وراضي بحكم الله وموجع قسومه
لكن له حلمٍ مفاده يجي يوم ... يجلس مع عوده وياخذ علومه
مرحوم يا شيخ ليا قلت مرحوم ... لو كنت واقف طحت من غير قومه
لاني ما اصدق قولهم مت محسوم ... كني غريق في بحر حلم نومه
كني غريرٍ إمتلى قلبه هموم ... أبوه مناه وترقب قدومه
لكن للدنيا تقاليد وسلوم ... منها نقع من دمع عينه كمومه
يا بري حال ودمع عين وملا قوم ... يا وقتي اللي قبل تنفح سمومه
انا أشهد إني عشت في جال زيزوم ... ركنٍ على الشدات منصى لقومه
ما خاب من جاله من الوقت مضيوم ...من فقر والا ضايمينه خصوم
علمني إن الناس معطى ومحروم ... وكل عطاه الله ذلولٍ زحومه
من طاب من طيبة ذلوله على الدوم ... نذرٍ عليّ إن ياصل اللي يرومه
ومن خاب من خيبة ذلوله فمحشوم ... من كل طيب ويردي الله سهومه
وعلمني ان القوم من قايد القوم ... واقسى النشايب نشبة أبناءالعمومه
تقبلوا تحيات ...عبدالرحمن عبدالمحسن القحطاني
اعتذر عن نسيان البيت الاول الذي تم تعديل مؤخرا...

المصدر: الملتقى الجماهيري للشاعر محمد بن فطيس المري

رحم الله والدك واسكنه فسيح الجنان
والحمد لله على قضاءة وقدره
ولا تخاف عليه مدام هذي موتته

وبالنسبة للقصيدة والله ان المدح في حقها قليل
يكفي انها نابعه من القلب زود على الحبك والسبك

لبى قلبك يا مبدع

ننتظر جديدك بشغف

اقتباس المشاركة الأصلية كتبت بواسطة فهد الهباش رحم الله والدك واسكنه فسيح الجنان والحمد لله على قضاءة وقدره ولا تخاف عليه مدام هذي موتته وبالنسبة للقصيدة والله ان المدح في حقها قليل يكفي انها نابعه من القلب زود على الحبك والسبك لبى قلبك يا مبدع ننتظر جديدك بشغف

الله يقبل دعائك ويرحم جميع امواتنا ..
وإطراءك لقصيدي يا أخوي فهد مكسب بحد ذاته ..
مرورك شرف

حياك الله عبد الرحمن,,

اسئل من الله ان يرحم والدك رحمه وساعه واموات المسلمين ويسكنهم فسيح جناته ,,

بلا شك هذى طريق ممشي للجميع وكل ٍ يترقبه واسئل الله ان يحسن خاتمنا جميعا ً ,,

صح الله لسانك ولاهنت على الشعور المعبر بالحزن ,,

خالص تحياتي وكل تقديري

اقتباس المشاركة الأصلية كتبت بواسطة خالد العتيبي حياك الله عبد الرحمن,, اسئل من الله ان يرحم والدك رحمه وساعه واموات المسلمين ويسكنهم فسيح جناته ,, بلا شك هذى طريق ممشي للجميع وكل ٍ يترقبه واسئل الله ان يحسن خاتمنا جميعا ً ,, صح الله لسانك ولاهنت على الشعور المعبر بالحزن ,, خالص تحياتي وكل تقديري

الله يقبل دعائك ولاهنت وتسلم على ما كتبت وصح الله بدنك ..
مرورك شرف ,,

رحم الله والدك واسكنه فسيح الجنان
والحمد لله على قضاءة وقدره ورحمه الله ورحم ابي واموات المسلمين
وأظلهم بظله يوم لا ظل الا ظله
صح لسانك مدد لا عدد

اقتباس المشاركة الأصلية كتبت بواسطة ترانيم المطر رحم الله والدك واسكنه فسيح الجنان والحمد لله على قضاءة وقدره ورحمه الله ورحم ابي واموات المسلمين وأظلهم بظله يوم لا ظل الا ظله صح لسانك مدد لا عدد

الله يقبل دعائك ويرحم أموات المسلمين جميع .. وصح بدنك
مرورك شرف ,,

ارحب تراحيب المطر يبو عبدالمحسن والله اشوف اسمك
البارح في سهرتنامع الشاعره ترانيم ولكن كنت متابع والله العظيم ماعرفتك بس من امس فيه تقييم لك على احدى مشاركاتي بالمنقول توي اشوفه قبل قليل واقول وعشرة أنعام يسهيل القديم وعبد الرحمن الجديد وصح لسانك عدد ومدد والله يرحم والدك ووالدى الجميع وتقبل تحيات وتقدير واتقيييم اخوك سعيد ولاهنت

اقتباس المشاركة الأصلية كتبت بواسطة سعيد محمد القحطاني ارحب تراحيب المطر يبو عبدالمحسن والله اشوف اسمك البارح في سهرتنامع الشاعره ترانيم ولكن كنت متابع والله العظيم ماعرفتك بس من امس فيه تقييم لك على احدى مشاركاتي بالمنقول توي اشوفه قبل قليل واقول وعشرة أنعام يسهيل القديم وعبد الرحمن الجديد وصح لسانك عدد ومدد والله يرحم والدك ووالدى الجميع وتقبل تحيات وتقدير واتقيييم اخوك سعيد ولاهنت

البقا يالامير .. حياك يا أبو محمد
والنعم بحالك وتسلم ياغالي وأنت من الروح وصح الله بدنك ,, وتقبل الله دعائك ,, وتسلم عالتقييم ومرورك يشرفني كثــــــــــــير ,,

عبدالرحمن . .
الله يرحم وآلدك ويجعله بالفردوس
الأعلى يآاااارب
قصيده رااااائعه بس أكيد تحزن
الله يحفظك خيوو. . .