ولو هو عدوي لالفاني فلا باس***له شاذليه عند خشمه تميلي

[ساره العنزي]

ماهقوتي ينقاد للذل قرناس
.........واللي رضا بالذل أصله قليلي
إلا الكرامة هي وجهي مع الناس
.........لو الحياة تروح مابقى ذليلي
واللي يبيع النفس خلوه ينداس
.........لو هو أعز الناس غيره بديلي
والحر يمشي دايم(ن) رافع الراس
............ماهمه العذال وقال(ن)وقيلي
دامك على وضح النقا منت محتاس
.........خل الحسود يموت بليا دليلي
اما الهروج اللي تسولف بلا ساس
...........ماينحني راسي لهرج(ن) هزيلي
ماهمني من صك بابه بحراس
...............يومه درا إني مسير بليلي
ماجاه مني غير طيب(ن) ونوماس
............أقبل واهلي به بوقت المقيلي
رحبت به بمجلس(ن) فيه جلاس
..........ترحيبة الوادي بسيل(ن)يسيلي
ماني مثل الذي على المال عساس
............يكره مجي الضيف وهمه يشيلي
ولو هو عدوي لالفاني فلا باس
................له شاذلية عند خشمه تميلي
للضيف قيمه ماتثمن بالالماس
............الضيف ضيف الله ولاهو ثقيلي
وحنا هل العليا وللمجد نبراس
..............حنا لنا بالضيف باع(ن) طويلي
مانكره الخطار ولا نبين إنعاس
.............ولا نرخي طرف العين يم الشليلي
وللخلق خالق والمخاليق أجناس
..............منهم ردي ومنهم ماله مثيلي
وياالله ياللي ساتر العبد بلباس
..................لاتبتلي عبدك بواحد بخيلي


**القصيدة للشاعر والاعلامي بيان الذكري**

 

 

 

 

 

 

 

 

[مبارك الشمري]

الله عليك ياساره العنزي اختيار ذووق يامنبع الذووق

تشكري عليه ننتظر القادم هع

[ساره العنزي]

مشكووووووووور مبارك وكلك ذوووق

[مشعل بن ردمان الحربي]

الله عليك اختي ساره

نقل رائع والاروع

نقلك له

تسلم يمينك

احببت لو قبل النقل تتاكدين من القصيده

من جميع النواحي اممممم مثل :

رحبت به بمجلس(ن) فيه جلاس

لو كان كذا

رحبت به في مجلس ( ن ) فيه جلاس

لاتحرمينا من جديد مشاركاتك

دمتي بخير

تحياتي لسموك

الكريم

[ساره العنزي]

مشكوووووووووور مشعل ولاهنت
وملاحظتك ماغيرت شي بالموضوع يعني اشوف انها فلسفه مالها داعي
مشكووووووووور والله يسعدك ياخوي