مفاتيح وانواع

[مبارك بن محمد ال فرحان]

السلام عليكم ورحمة الله وبركاته

مسيتو بالخير جميع

ثاني مصافحه اتمنى ان تنال اعجابكم يالغالين

[poem=font="simplified arabic,6,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

باعدّ للطيّب مفاتيح بانواع=فيها الخفيفه فالزمن والثقيله
واللي امبارك له مع الوقت ما ضاع=يبقى دليله والمراجل دليله
النوع الاول مركبن ماله شراع=غدى مقاطيع البحور الهويله
يغرق وتبقى الواح ما تاصلَّ القاع=لا تمّ غاياته ولا ابطى وسيله
والثانية زندن تحامته الاضلاع=حمله ثقيل ولا برك له يشيله
فإن كنت مانت بسبعٍ تأكلك الاسباع=يا صاب راس السبع وإن خاب ذيله
والثالثه دنياك في روس الاصباع=ماهي سوا مِن سَـرّْها تستوي له
لو كان تبغى الحق للحق قطّاع=ما كثّر الله من شيوخ القبيله
والرابعه لا تعيش للموت جزاع=والموت صبحه ما فرق لون ليله
يأما حياتن تكسب الطيب بذراع=ولا مماتن فـ/الجهاد ومثيله
والخامسه حذراك من شين الاطباع=اللي يجيب إلك الردى والفشيله
يشفح على شذب العراقيب لا جاع=عنده قصيرات الدعاوي طويله
والسادسه لا جيت ترجي لفزاع= وقت الشدايد لا طرى تعتزيله
فازهم ولد عمن لك حزام وشجاع=شروى كليب اللي فزع للجليله
والسابعه لازداد همك بالاوجاع=فانحر دروب الدين واهل الفضيله
تلقى الطمأنينه على حر الاوضاع=دام الوليّ في همنا نلتجي له
والثامنه لاتشح ماجووبك بصاع=من يكرم الضيفان طال الجميله
بالعود الازرق والسخا ..طيب الاسناع=حد الذرابه موقفن تحتميله
لو ماتطيع الوقت فـالوقت طوَّاع=بتموت محتالن على قلّ حيله
خذ الوصايا وعلق الضيق بكراع= من شاعرن ما صاغ غير الجزيله
[/poem]



وسلامتكم جميع

 

 

 

 

 

 

 

 

[رمق]

صـح لسآنك ..

لاهنت ع هالجزلــه ...

[مبارك الشمري]

فإن كنت مانت بسبعٍ تأكلك الاسبـاع
يا صاب راس السبع وإن خاب ذيلـه

قصيده محسوبه وكلمات قمه في الروعه يا يا يا بعدي ننتظر منك المزيد تحياي وشكري يا يا يا سمي هع

[سلطان المري]

ياسلام عليك يامبارك

بيض الله وجهك على هالنابغه

قصيده مشرفه انفداك


صح لسانك مدد لا عدد

[الصقرالجارح]

ابو محمد
الله الله عليك وصح الله السانك قصيده بقمه الجمال ومو غريب عليك الابداع
ودي وتقديري

[محمد الوريكي]

مشاء الله عليك يامبارك

قصيده جزله من راس جزل

لاهنت انتظر ماهو جديد

[ام المعارك]

مشكوووووور والله يعطيك الف عافيه

[أمير الشريف]

اشهد انك ماجبت غير الجزيله .. صح الله لسانك يامبارك .. عز الله قصيده كايفه وراقت لي ..
اتمنى ان تتحفنا بالمصافحه الثالثه ..

[ماجد الشيباني]

تسلم يمينك اخوي على هــ القصيدة الجزلة والمعاني الراقية

ودي وتقديري

[بـنت أبـوي]

صح السآنك
ويعطيك العآفيه