اشتاق لك يادنيتي وين مااروح..شف وين مااوجة جبيني لك اشتقت

[رائد العصيمي]

السسلام عليكم..



شخباركم؟



احب اقدم لكم قصيده جديده لي يارب تعجبكم..



عنوانها(يسأل علامك)



يقول:
ليه الزمن بوصال حبك لنا يشوح
وانا على بُعدك وفرقاك ماطقت
اشتاقلك يادنيتي وين مااروح
من وين مااوجه جبيني لك اشتقت
ذكرك يسليني وانا كلي جروح
اسلى معه وانسى صواديف هالوقت
صحيح قاطع وصلنآ دون مصلوح
لكني اسلى معه لامن تضايقت
وابني من الاحلام لك عدة صروح
واتخيلك عندي اذاغبت واشرقت
خل الوصل مابيننا عطره يفوح
مادام احبك وبودادي تفوقت
غيرك تمناني ولك مهدي الروح
شف وين ماوجه جبيني لك اشتقت



وسلامتكم

نقدكم واارائكم تفيدنا

رائد

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[محمد الوريكي]

اسعدني ان اكون من يرد هنا ياولد العم فديتك
قصيده رررررررائعه بحق والله يسلم يمناك
ويديمك لي اخو وعزيز وغالي

[رائد العصيمي]

اقتباس المشاركة الأصلية كتبت بواسطة محمد الوريكي اسعدني ان اكون من يرد هنا ياولد العم فديتك قصيده رررررررائعه بحق والله يسلم يمناك ويديمك لي اخو وعزيز وغالي

جعلك تسلم مرورك شرفني كثير

[سلطان المري]

مرحبا يارائد للامانه شاعر ممتاز واحب اقرى لك باستمرار


بالنسبه للنقد اللي طلبته ابشرر .. <-- دائم الحظ عنوان قصائدك تحطه بيت كامل


لو ادخل القسم واناظر العناوين اشوف عناوين قصائدك يارائد كبيره وكلماته كثيره

الافضل انك تختار للقصيده .. كلمتين وهالشي معروف لدى جميع الشعراء ..

فتخيل لو يصدر الشاعر رائد العصيمي شريط له او ديوان صوتي في الاسواق اكيد راح تنجبر تكتب لكل قصيده كلمتين كعنوان للقصيده .. انا طرحت هالنقد علشان مايخرب جمالية العنوان

بالنسبه للقصيده القصيده سلسه .. واستمتعت بهاا كثيراً لولا ان هناك شطر من الابيات ابي انووه عليك

وابيك تراجعه اللي هو .... واتخيلك كل ماغبت واشرقت


ليه الزمن بوصالك حبك لنا يشوح <-- اعرف انك تقصد بوصال .. اتمنى تعدله علشان يكتمل الشطر ويزهى جماله


صح لسانك شاعر رائع وقصائدك استمتع بها كثيرا والاشياء اللي نقدتك فيها هي عن نفسي فاذا اخطات فعذرني وان اصبت فالحمدلله .


تحياتي

[رائد العصيمي]

اقتباس المشاركة الأصلية كتبت بواسطة سلطان المري مرحبا يارائد للامانه شاعر ممتاز واحب اقرى لك باستمرار بالنسبه للنقد اللي طلبته ابشرر .. <-- دائم الحظ عنوان قصائدك تحطه بيت كامل لو ادخل القسم واناظر العناوين اشوف عناوين قصائدك يارائد كبيره وكلماته كثيره الافضل انك تختار للقصيده .. كلمتين وهالشي معروف لدى جميع الشعراء .. فتخيل لو يصدر الشاعر رائد العصيمي شريط له او ديوان صوتي في الاسواق اكيد راح تنجبر تكتب لكل قصيده كلمتين كعنوان للقصيده .. انا طرحت هالنقد علشان مايخرب جمالية العنوان بالنسبه للقصيده القصيده سلسه .. واستمتعت بهاا كثيراً لولا ان هناك شطر من الابيات ابي انووه عليك وابيك تراجعه اللي هو .... واتخيلك كل ماغبت واشرقت ليه الزمن بوصالك حبك لنا يشوح <-- اعرف انك تقصد بوصال .. اتمنى تعدله علشان يكتمل الشطر ويزهى جماله صح لسانك شاعر رائع وقصائدك استمتع بها كثيرا والاشياء اللي نقدتك فيها هي عن نفسي فاذا اخطات فعذرني وان اصبت فالحمدلله . تحياتي

بالنسبة لي احط بيت قصيدة مااحب العنوان يمكن لكل انسان له رأي لكن احب احط بيت

عشان يكون هو بيت القصيد احيانآ

اما مسـألة النقد ف انت صادق

الببيت فيه كسر لكن للأمانة التعديل حقي ذا كان من جوالي لآني معدلها بالجوال ونسيت اعدلها باللاب ف نزلت القصيدة حتى بدون مااقراها وهذا خطآ مني اعتذر عشانه

وشكرآ لك شهادتك شرف ووسام على صدري لبى قلبك

[حمد السبيعي]

انا الكلام اللي كنت بقوله ,, قاله اخوي سلطان وكفى ووفى ,, ما عدا سالفه العنوان طبعا انا ما اتدخل فيها ..

والبيت اللي اكتبه اخوي سلطان فيه كسر ,,, وللامانه القصيده جميله

[رائد العصيمي]

اقتباس المشاركة الأصلية كتبت بواسطة حمد السبيعي انا الكلام اللي كنت بقوله ,, قاله اخوي سلطان وكفى ووفى ,, ما عدا سالفه العنوان طبعا انا ما اتدخل فيها .. والبيت اللي اكتبه اخوي سلطان فيه كسر ,,, وللامانه القصيده جميله

الله يسلمك يااخوي حمد

جعلك سالم ومانخلى منك لبى قلبك

[حمد السبيعي]

واتخيلك عندي اذاغبت واشرقت
صح الله لسانك ولاهنت على هالابيات الجميله

[الشاعر خالد الشمري]

ذكرك يسليني وانا كلي جروح
اسلى معه وانسى صواديف هالوقت

صح الله لسانك أخوووي ولاهنت ع الطرح الراااقي والمتميز ..

دمت ودااام نزف قلمك الراااائع


تقبل مروووري

خالد الشمري

[رائد العصيمي]

اقتباس المشاركة الأصلية كتبت بواسطة الشاعر خالد الشمري ذكرك يسليني وانا كلي جروح اسلى معه وانسى صواديف هالوقت صح الله لسانك أخوووي ولاهنت ع الطرح الراااقي والمتميز .. دمت ودااام نزف قلمك الراااائع تقبل مروووري خالد الشمري

صح بدنك

نورتني يالغالي