قال حاقد .. ؟

[مهوجس]

لـ المغفور له بـ اِذن الله تعآلى / طلآل الرشيد ( رحمة الله عليه )





قال حاقد.. قلت؟ يا جاهل هلي
كيف بأطرف بأصبعي عيني واصيح..

أنت مثل ابليس حقرك الولي
لا تسر ولا تريـــــــــــــح وتستريح..

من يصدق بي وانا الشمس عملي
ما يذريــــــــــــها عجاج جاب ريح..

لو يطيعك بي غرير يجهلي
ما تطيــعك رؤســـــهم بي يا كليح..

هم هلي يا جاهل وهم منهلي
لو تضيق القـــا بهم كون فسيــح..

ما سفهت من العقول الا الخلي
ومـــا حقرت من الكلام الا النبيح..

الصباخي ما تربع بالولـــي
والردي لـ الطيب جحـاد شحـــيح..

والعتم لابد يوم ينجلـــــي
واسود النيه يجي يوم ويطيح..

الردى بعد السماء عن مدهلي
ما تعلمت اجزي الطيب بقبيح..

شمت عنك أبي المراجل منزلي
وفي ظلوعي شايب عيا يبيح..

معتلي بالشعر هو بي يعتلي
دام ميزاني بحسادي رجيح..

لاتصدق في حصانك يا جملي
كنت انا وما زلت وابطي لك نصيح..

ما عرفت الغي واخفيت جهلي
علموني مستبيحين المريح..

لو تبين قلت خلوا ذاك لي
بس دامك كالنساء ما لي نطيح..

قل مدام اني بكذبك مبتلي
كل كذب دام هو فيني صحيح..

ما اخبر من الذنوب الا هلي
ذنبي اللي يرفع الراس الفليح..

 

 

 

 

 

 

 

 

[مبارك الشمري]

مهوجس يابعدي والله اختيار والا احلى يابعد كل من لي

صح السان المرحوم وصح بنانك على النقله يالغالي

تحياتي لك وانتظر اختيارك الرفيع

مررت

[حلم~]

ي ـعطيك العافيه ياذوق ؛؛
ماننحرم جديدك

[السـنـافيــه]

الله الله

رحم الله الشاعر الكبير طلال الرشد

والله لايهينك على النقل المميز مما راق لي

كل الوود

[آلــــجآدل]

الله يرحم الشـآعر

ولاهنت عالنقل

وبيض الله وجهك’،

[مهوجس]

آلف شكر على توآجدكم و لآهنتم يـ الغآلين

[نايف الشمري]

.., رحمة الله عليك ياطلال الرشيد

يملا الجنه يامعذب القاف

ابو نواف شاعر تعجز الكلمات عن وصف جمال شعره وذوقه رحمة الله عليه

.., مهوجس

الشكر لك لاينتهي لهذه الوقفه مع رائعه من روائع سيدي الراحل طلال الرشيد

اخترت فأبدعت في الأختيار

تقبل مروري المتواضع

ولاتحرمنا جديدك