للحزن سلطة

[رشيد]

للحزن سلطة
.........
فيصل بن سبيّل الباهلي
.


للحزن سلطة في قلوب المحبين
لا فارقوا من غير رجعه حبايب
يطول عمر الضيق بالصدر ، ويبين
بالوجه شيٍ من عطاء الوصل غايب
اتلمّح العبرات . وتصرّح العين
ويقول جرح الهجر: ماني بطايب
لي كم يوم وخاطري صايرن شينْ
وجه السعه فيني ، من الضيق هايب
عيّشني الهجران حال "المساكين"
من كيف يزهد بآخر العمر شايب
ضايعْ وأدور بالمتاهه عناوينْ
والياسْ يرسم لِي ، قبورْ ونصايب
أروح من حزني.. بضحكي على وين ؟
وملح الفرح في بحر الاحزان ذايب !
ما من هروب يسار ، وإلا من يمين
هبّت عليّ اشجان عمري هبايب
يردني عن موتتي.. وازع الدين
والا الحزن بالصبر ماهو بتايب
ياقلب جاهد ، حارب الشين بِ الزينْ
ظني بعزمك ما رجع يوم خايب
مأجور درّجها عسى ربك يعين
هذي هي الدنيا : متاع ، ومصايب



.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[أحمد بن عبدالمحسن]

الحزن مملكة العاشقين


كلمات رائعه
سلمت يداك

[حنونه اليامي]

للحزن سلطه طرحت فيبدعت
راقت لى كثيرا

[امنيات]

و عليكم السلام و رحمة الله و بركاته
صح لسان من قالها .. و سلمت ايدين من نقلها
تحيتي و تقديري يا راائع

[رشيد]

حفظكم الله ورعاكم