العتــــــيبي و المطـــيري ؟؟؟؟

[سـعود المطيري]

بين المطيري والعتيبي صداقـه
من عصرنا الاول الى وقتنا الحيـن


اخـوان فالاسـلام ربـع ورفاقـه
وهذا طبيعي فالرجال الميامين


واللي مشكك فـي وثـوق العلاقـه
يـروح للدوشـان والا الرباعيـن


ينشـد شيـوخ المعرفـه والعراقـه
ويلقى الجواب اعلوم زينن على زين


واللي مضى من جهل والا حماقـه
كانت قبل مايدخل النـاس فالديـن


كانت تقوم المعركـه لاجـل ناقـه
كان السبب فيها اضعوف ومجانيـن


اكبـر فخرنـا ديننـا واعتنـاقـه
شريعة محمد بهـا العـدل والليـن


جيران مااحد خـان جـاره وباقـه
غير النسب معروف بين الاصيليـن


عدونا ماهو علـى اسـم البطاقـه
عدواننـا هـم اليهـود الملاعيـن


ولو كان فيه اشخاص فيهم صفاقـه
يبقون دوم ايسـار والعالـم ايميـن


لمطيـر وعتيبـه ثمانيـن بـاقـه
من الزهـور اليانعـه والرياحيـن


هديـة ن لاهـل القلـوب الرقاقـه
يستاهلون الطيب قومـن كريميـن


الطيـب فيهـم يعشقونـه اعشاقـه
ولاهي غريبه فالرجال الشجيعيـن


اعلومهم جـزلات ماهـي ادقاقـه
الله خلقهـم روس ماهـم كراعيـن


حـذرا منافـق مـا تبيـن نفاقـه
يبـي يخـرب بينكـم يالنظيفـيـن


يجيه علـى ضـر الاجـواد فاقـه
خبيـث طبـع ورفقتـه للشياطيـن


العـز والنومـاس قايـم اسبـاقـه
وكـل القبايـل والنعـم بالملاييـن


الخيـر نفتـح لـه ثلاثيـن طاقـه
والشر نغلق بابـه ويبطـي اسنيـن



الشاعر سلطان المطيري



*

 

 

 

 

 

 

 

 

[محمد المشعلي]

تكفى ياسعود رفيقك سعد برى المنتدى وانت جالس ترسل قصايد المفروض تحرم الشعر حتى يرجع

[سـعود المطيري]

يامحمد انت وش تقول يعني سعد موقوف ياويلنا ويلاه لا والله راح الشعر مع ابو الشلاحيط

لك علي اني منزل قصيده لين يرجع والا تركت المنتدى كله

[غشام البراق]

سلطان ماقصرت ومطير وعتيبه على كثر الاكوان الي صارت بينهم هم الي اسسو الاخوان وهم على الاسم
والنسب والجيره بالديار وبالعلوم تقول انهم اخوان مشكور على كل حال

[سـعود المطيري]

كلامك صحيح ياغشام مايفرقنا الوقت نبقى مثل العين والعين

اخوك سعود الميزاني المطيري وخالي ابن حمد الروقي العتيبي