ساقني للمـوت سـوق الهبايب للغيـوم

ساقني للمـوت سـوق الهبايب للغيـوم

صبآحكم \ مسآءكم شعر

قصيدة لـ الشآعر : محمد بن مربيد العآزمي
قصيدة لن تكتفوا بقرائتها مرة واحده ..
فقط أترككم مع نزفه

يـا الله إني طالبك لا تردّي لي عـزوم
......................... يـا إلهٍ تحت عرشك سجدنا للصـلاة
جعلني ما أطيح يارب بيدين الرخـوم
......................... طيحتي طيحة جبل ماهي بـ طيحة حصاة
مقـدمٍ قـدام ربعـي ليـا حـل اللزوم
......................... وشاعرٍ ربعه ليـا اخطى مـَ تغفر له خطاه
ماعشقت إلا الذي ما على حلياه سـوم
........................ الخطر من دون وصله وظرفه من وراه
غاب وغيابه برى الحال وأصبحت امحروم
......................... ويش أسوي في غيابه وهـو عذره معاه
أتضايق كـل ما مـر فـي بالي و أقوم
......................... ضيقةٍ مـن حـر فرقـاه و اِقفاية اِخطاه
لي سنـة يا سالم الملعبي مـا مر يوم
......................... ما ذكرته وأبتدا حـزن والخافق دعـاه
ليت ماله في سمـاء القلـب يا سالم نجوم
......................... كـان قلبـي للجماهير مـا بيـح خفـاه
أحسب أن العشق فترة فـراغ ولا يـدوم
........................ مـا دريـت أنـه يغيـر مفاهيم الحيـاة
ساقني للمـوت سـوق الهبايب للغيـوم
......................... لين خـلا الناس تنشـد / محمـد وش بلاه ؟!
مذنبٍ فـي حق نفسي ولا ني بمعصوم
......................... منتظر والهجـر عيـا ينسينـي غـلاه
كل ما قالوا لي إنـه نسـى قلت محشوم
......................... ذاك والله لو نسى اسمه غرامي ما نساه
يتوارى عـن عيون البشـر لأنـه كتوم
......................... والا انا لولا الحيـاء كان جيتـه في حماه
ادري انـه يسمع الشعـر وتجيـه العلوم
......................... ويدري انـه من نصيبه قـراه أو ما قراه
يا حبيبي مـا بقى الا تضيق ابـي الهدوم
......................... وانت عـارف من حبيبك وعارف مستواه
لا تغربلنـي وانـا مـن وسيعين الكمـوم
......................... ولا تخـلي وقتي الشيـن يرفع لي عصاه
كـان عينك ترقـد الليـل عيني ما تنـوم
........................ ليـن يذن مـذن الفجـر وتقـام الصلاة
كـل يـوم أقول ترجع وتغريك الرسـوم
....................... وانـت مدري عند ظـني معـك وإلا وراه

’’

المصدر: الملتقى الجماهيري للشاعر محمد بن فطيس المري

صح لسان شاعرها .. محمد شاعر يعجبني قصيده..




شكراً لك على النقل....

راقت لي بنت برقا صح لسان بن مريبد
وسلمت يمينك على جوده الاختيار

بنت برقا يسلم راسك وعاش ذووقك الفريد على الانتقاء الرائع كاروعتك
تحيتي لك

صح لسان الشاعر
ولاهنتي ي بنت برقا

احسنتي ي بنت برفا

اسعدني جداً جمال تواجدكم العذب

لاعدمتكم

......................... وانت عـارف من حبيبك وعارف مستواه
لا تغربلنـي وانـا مـن وسيعين الكمـوم
......................... ولا تخـلي وقتي الشيـن يرفع لي عصاه
كـان عينك ترقـد الليـل عيني ما تنـوم
........................ ليـن يذن مـذن الفجـر وتقـام الصلاة
كـل يـوم أقول ترجع وتغريك الرسـوم
....................... وانـت مدري عند ظـني معـك وإلا وراه


يعطيك العافيه بنت برقـا على الاختيار الاكثر من رائع

صح الله لسان الشاعر محمد بن مريبد ,, وسلمت يمينك على النقل الجميـل ,,

الله يعافيك شاعرنا يحيى

اضاء متصفحي بتواجدك

لاهنتي بنت برقا