][ يآليت همّي حزّة الضيق .. محتآج ! ! كآن الرفيق يسد حآجة .. رفيقة][

[فهد الهباش]

من الأرشيف القديم !
أتمنى أن تروق لكم !!


[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
طآل السهر .. والليل بآلصبح مآ أنبآج! = والصدر فيه من الهوآجيس .. ضيقة
يآليت همّي حزّة الضيق .. محتآج = كآن الرفيق يسد حآجة .. رفيقة
غير البلا عودٍ مع النآس .. عجّآج = إبليس عونه .. والزلايب فريقة
درب النميمة والحسد فيه .. منهآج = كنّه تسلّم من طرفها .. وثيقة
إليا حضر في مجلس الطيب .. لجّاج = شرّه على ربعه .. وشبّ الحريقة
دربه عَوَج .. في كل مدخل ومخراج = وليآ نصحته .. قام يَزْعَج نهيقه
شربه هماج .. وفي طريق الردى داج = ويقول أنا أبو زيد .. مآ أحدٍ يعيقة
هو يحسبن بشته على كتفه .. التاج = إلّا الفشل تآجه .. لا جات الحقيقة
أنا أشهد إن البعد من داره .. علاج = أروح في دربي .. وأجنّب طريقة
وألّا عسى جيبٍ على (خط الأفلاج) = يشلّه من القآع .. وأسمع شهيقه
هذا جزا من سبّب لربعة .. إزعاج = ويبقى الذهب غآلي .. ويلمع بريقه[/poem]

فهد الهبّآش!

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]

---

التعديل الأخير تم بواسطة فهد الهباش ; 06-26-2012 الساعة 03:07 AM

[خالد العبيريد]

وعليكم السلام ورحمة الله وبركاته ,,

ارررحب يافهد حيااك الله ,,

صح صح الله لساانك وصح قلبك وكفوو شاعر جزل وغني عن التعريف الغالي وجديدك والا قديمك يعجبني ,,

تقديري وشكري واقرا تقييمي .

[فهد الهباش]

اقتباس المشاركة الأصلية كتبت بواسطة خالد العبيريد وعليكم السلام ورحمة الله وبركاته ,, ارررحب يافهد حيااك الله ,, صح صح الله لساانك وصح قلبك وكفوو شاعر جزل وغني عن التعريف الغالي وجديدك والا قديمك يعجبني ,, تقديري وشكري واقرا تقييمي .

حضوركـ لوحدة يآ أبو سهيل شرف..
لبى قلبك .. وحضورك اللي يشرح القلب والخاطر..
صح بدنك .. مودتي القصوى لقلبك!

[عامر صالح ال شنيف]

حياااك الله يافهد وحي قدميك وجديدك
وصح الله فكرك ولساانك ونبضك
وابيض وجه على هالنص الراااقي
ويا ليتني يو أنثر الدمع محتااااج وانشهد يا الخوي
ولا هنت تقبل مروري المتواااضع

[فهد الهباش]

اقتباس المشاركة الأصلية كتبت بواسطة عامر صالح ال شنيف حياااك الله يافهد وحي قدميك وجديدك وصح الله فكرك ولساانك ونبضك وابيض وجه على هالنص الراااقي ويا ليتني يو أنثر الدمع محتااااج وانشهد يا الخوي ولا هنت تقبل مروري المتواااضع

الله يقلع بعض الناس يدبل الكبد يا ابو صالح..
شره على نفسه ولكن اللي يفرق الجمايع ما فيه خيره ،
والله ان الواحد احيانا يبكي عليه يرحمه من نفسه لا اكثر ومن عناده اللي يشره ربعه..
لكن الله يصلحه والا يوخذه امين...

صح الله بدنك حضور مشرف وافتخر فيه يآ النشمي....

[عبدالله السناني]

صح لسانك ولا هنت يافهد , جزل

[فهد الهباش]

اقتباس المشاركة الأصلية كتبت بواسطة عبدالله السناني صح لسانك ولا هنت يافهد , جزل

صح بدنك اخوي عبدالله ، مرورك الجزل يآ الخوي..

[الماسـه]

هو يحسبـن بشتـه علـى كتفـه .. التـاج
إلّا الفـشـل تـآجـه .. لا جــات الحقـيـقـة

أنـا أشهـد إن البعـد مـن داره .. عـلاج
أروح فــي دربـــي .. وأجـنّــب طـريـقـة

وألّا عسـى جيـبٍ علـى (خـط الأفــلاج)
يشلّـه مــن الـقـآع .. وأسـمـع شهيـقـه
هـذا جـزا مـن سبّـب لربعـة .. إزعــاج
ويبقـى الذهـب غآلـي .. ويلمـع بريـقـه


وربي انهآ تجنن يآفهد
صح لسآنك والله . .
ابدعت فيهآ كـ عآدتك شاعر مميز
الله يحفظك ويحميك يآرب

[فهد الهباش]

اقتباس المشاركة الأصلية كتبت بواسطة الماسـه هو يحسبـن بشتـه علـى كتفـه .. التـاج إلّا الفـشـل تـآجـه .. لا جــات الحقـيـقـة أنـا أشهـد إن البعـد مـن داره .. عـلاج أروح فــي دربـــي .. وأجـنّــب طـريـقـة وألّا عسـى جيـبٍ علـى (خـط الأفــلاج) يشلّـه مــن الـقـآع .. وأسـمـع شهيـقـه هـذا جـزا مـن سبّـب لربعـة .. إزعــاج ويبقـى الذهـب غآلـي .. ويلمـع بريـقـه وربي انهآ تجنن يآفهد صح لسآنك والله . . ابدعت فيهآ كـ عآدتك شاعر مميز الله يحفظك ويحميك يآرب

يآهلا وغلا خيتي الماسه..
مرورك الابداع ، الله يسعد قلبك ويحفظك يارب...

[سحابة الطائف]

صح لسانك فهد وسلمت يمينك
إستمتعت بهذه الرائعه من دررك الثمينه
أهنئك على هذا الإبداع