انا موجه للسناني بيت

[شنق ونق]

يا عين بثي بالتحيه والوقار بلا ثمن
لاهل الوفى والجاه واختصي عزيزين الجناب

ما دامت الانفاس في جوفي لعب فيها الزمن
خلي من صروح المعالي مدهل لكل اضطراب

النور لو فارق عيون الشوق ما غير الوطن
يرضي هوا المشتاق لو كان الهوا ماله حساب

انا موجه للسناني بيت معناه استكن
في جوف صدري لين معلوقه من الحرمان ذاب

قل لي وش اخبار العرب من بعد صدمات الفتن
وايضا ظروف بخيت جبها وانثر حروف الجواب

انا الخوي اللي بعثه الله من غب المحن
وانا الرفيق اللي كسا التعبير من صمت العتاب

وانا معك في كل موقف يا رفيقي لن ولن
ارضى سوا باللي رضيتو به ولو ضاع الزهاب

فاذا عرفت اكون يا عبد الله من الناس من
عطني جوابك لا تردد دام لك قدرٍ مهاب

انت الذي بروزت بعيوني من المعنى لحن
وانت الذي سلهمت باطراف الحكي والراس شاب

بلغ بخيت افضل تحياتي وقل له ما سكن
جرح الليالي الماضيه حتى به الوجدان طاب

امسى يعوث بداخل الوجدان حتى انه مكن
ما بين تفسيرات معنى القول ولعاب الصواب

رفيقك اللي من زمان اشتاق وعيونه بكن
في جوف يوكوهام يتمنى جناحين السحاب

انزاح من ضيمه شوي وزاد به سقم البدن
حتى غدا مثل العصا يمشي ومشيه باكتآب

ان مر طاري ديرته جسمه بقاعه ما اتزن
وان مر طاري خوته يشكي من انواع العذاب

ارجوك يا عبدالله الحقني ترا العمر اندفن
ترا جوابك يبعث النشوه علي من كل باب

قلبي معك وزمام قلبي في يدينك والرسن
قل لي وش اخبار العرب قل لي وش اخبار الرحاب

قل لي وقل لي كل ما مريت من وادي قطن
هل عاد به للصيد ماريه ام ان الصيد غاب

هذي رساله من بلاد الخارج لقلب الوطن
صوب السناني مالها غيره من الناس احتساب

 

 

 

 

 

 

 

 

[سعيد محمد القحطاني]

نعم فيك وفي عبدالله شاعر يرمز ل شاعر
من فيض المشاعر صح لسانك تقبل تحيات اخوك سعيد وفي أمان الله وحفظه

[موسى ابومشهور]

الله الله رائعه من شاعر جزل ذات ابداع ومعاني ذوعمق جميل وعذوبه وسلاسه تحياتي لشاعرنا النقي لافض فوك
اخوك موسى ابومشهور

[حامد الفارس]

0000000000000000000

[القرني]

صح لسانك ياشنق
وفي إنتظار رد السناني ممكن نعرفك من أنت
والله يشافي بخيت

[ذكريات الأمس]

ماشاء الله عليك مبدع وجزل
صح السانك اخوي ابدعت بهذه الرائعه
هناك عذوبعه في الكلمات اطربتني
شكرالك

[شنق ونق]

الاخ سعيد ونعم بحالك

وصح بدنك ولا هنت على المرور الجميل تقبل شكري

[سنيد القعياني]

انشهد أنك عقب هذي فيك ماخيبت ظن
.......................... حرن تعلا للخضيرا تاركن وكر الغراب


صصصح لسسسانك على اروع ماقرأت ..
واقر الله عينك بما تشتهي .. آمييين ..


تقبل تحيات واحترام اخوك راعي الثنيه ..

[محمد بداي]

صح لسااااانك ياراع الثنيه

قصيدك جزل ومبني على ساس

وترجع سالم غانم ..

ونحتري رد عبد الله


ولاهنت وتسلم

[خالد العبيريد]

حيااك الله شنق ونق ,,

صح الله لساانك وصح قلبك ولاهنت على هالمعزووفه الجميله جدا ً ماشاء الله تبارك الله ,,

شكري وتقديري لك ووافر احتراامي ومتابع للرد بأذن الله .