تزاحمت الاشواق

تزاحمت الاشواق

السلام عليكم ورحمة الله وبركاته

هذه البسيطه من قديمي للتواصل معكم

تزاحمت الاشواق في صدري وقالت لي تعال = شوف الضلوع العوج وادرس وضعها واحوالها
طالت عليها الطايله مالاح من صوبك سوال = حتى كرهنا قربها وابوابها واقفالها
وانت الله اكبر تحسب ان البعد حكمه واعتدال = ماتعرف انه هشم اصغرها وضد اجلالها
الحب بامر الله وتخضع له صناديد الرجال = لاتحسب انك بالشجاعه والقنا تنتالها
هذي عنيده ماتجي بالغصب ولا بالسلال = لازم تبادلها المشاعر لين تحذف شالها
ترا الصبر والتضحيه عنوان في درب الوصال = لاتشتكي شمس القوايل لابغيت اظلالها
جامل زمانك لاقسى مره على كتفك ومال = لابد يصفى الجو والغيمه تهل اسبالها
قلت الوفى طبعي ولكن ما أحتمل كثر الهبال = دايم على وضح النقا والخيل من خيالها
لاصارت اعلوم الغواني ضحك وارقام اتصال = اصد واليمنى تفسر حالتي بشمالها
استغرب الواقع وكني عايش ابحلم وخيال = تغيرت الاطباع والدنياء تبث اهوالها
بالله يا أشواق الهواء غيبي ورا تيك الجبال = خلي ظلوعي لاتغرسين الوهن في جالها

محبكم حسين كرعل

المصدر: الملتقى الجماهيري للشاعر محمد بن فطيس المري

يآسلام عليكـ يآبوكرعل
نص يزخر بآلجزآلة وآلجمآل
لله دركـ وصح لسآنكـ يآلغآلي

اقتباس المشاركة الأصلية كتبت بواسطة محمد الختلان يآسلام عليكـ يآبوكرعل نص يزخر بآلجزآلة وآلجمآل لله دركـ وصح لسآنكـ يآلغآلي

اخوي محمد الجزال والجمال لاتكتمل الا بحضور اصحابها


صح الله بدنك يالغالي ودمت بخير

الله الله الله


ياسلام ياحسين والله انك شااعر داهيه لله درك

وصح الله لسانك مدد يالغالي

اقتباس المشاركة الأصلية كتبت بواسطة محمد بن عبدالهادي المري الله الله الله ياسلام ياحسين والله انك شااعر داهيه لله درك وصح الله لسانك مدد يالغالي

اخوي الغالي محمد الله يسلمك يالغالي وصح الله بدنك

شهادتك وسام على صدر اخوك حسين

لا عدمتك ولا عدمت حضورك الرائع

الوايلي

صح الله لسسسانك

قصيده قمة الجزاله والروعه

بنتظار ابداعاتكـ

اقتباس المشاركة الأصلية كتبت بواسطة مآجد المسآعد الوايلي صح الله لسسسانك قصيده قمة الجزاله والروعه بنتظار ابداعاتكـ

اخوي ماجد

صح الله بدنك يابعدي والله لايهينك

اسعدني مرورك وحضورك الرائع

تحياتي لك

يا سلاااااااااااااااام
هنا التميز
هنا نستطيع ان نقول بأننا قرأنا شعرا
تقبل تحيتي وتقديري ودمت بود

اقتباس المشاركة الأصلية كتبت بواسطة ترانيم المطر يا سلاااااااااااااااام هنا التميز هنا نستطيع ان نقول بأننا قرأنا شعرا تقبل تحيتي وتقديري ودمت بود

اختي الشاعره الرائعه ترانيم

صح الله قلبك وكلك والله لايهينك

اطرائك يزيدني فخر اختي الغاليه وكلك ذوق


دمتي بود

وعليكم السلام ورحمة الله وبركااااته ,,

حياك الله يابو علوش ,,

صح الله لسانك على هالمعزوفه الجزله ولو كانت قديمه عندك فهي جديده علينا ولاهو جديد التميز والجزاله ماشاؤ الله عليك ,,

دمت ودام حرفك الجزل وقمة ابداعك ,,

تحياتي وتقديري ووافر احترامي لك .