ياراكب اللي تقـــــول يكـفف أشـــناقــــــــــه

[حلم~]

ياراكـب اللـي تقـول يكفـف اشنـاقـه
حـواف قـومٍ علـى مهجادهـم نــاوي

ابيـض خطـوط الوكالـه فيـه لهـاقـه
اليـا اعتـرض كنهـا تنعومـت النـاوي

حـرٍ تعـرض لكـدرٍ بــاول اطـلاقـه
قبلـه مذيرهـن الشـبـوط والــواوي

وكـن اختفاقـه مـع الجيـان وادعاقـه
ادعـاق ذيـبٍ يـدور غـرت الـشـاوي

لا فـات ثلثيـن ليلـه قــام سـواقـه
اول نسيـم الصبـاح وخـط صحـراوي

الليـل ومخـافـة الهوج وتونـداقـه
ونفـث المحـرك تقـول اقرايـه مـداوي

يسلـي ضميـرٍ مزاجـه صفـط اوراقـه
عن خطـة البهلـوه مـع كـل بهـلاوي

ماعاد لـه فـي هزيـج المجتمـع فاقـه
ومغلط الصـح ومصحـح علـى الغـاوي

امــا غزتـنـي محابـاتـه وزنـداقـه
ولا كتـب لـي مواجه كـل هـذراوي

مافيـه داعـي نـدور كرسـي إحـلاقـه
ولا جماهـيـر لهـلالـي ونـصــرواي

المائـده فـي انائـن مـالـه اطبـاقـه
اضــن مايمـهـا متمتـعـن هــاوي

لاصار مابـه عسـل سـدر ولبـن ناقـه
بعـض التمتـع لكبـد المحتمـي كـاوي

فطـوره بجـاش كـان الله مـا عـاقـه
في مجلسـن للخصـال الطيبـه حـاوي

لاشـق جنـح الظـلام الصبـح بشراقـه
وفوق الشفق شفت قرص الشمس متساوي

اقلـط لقصـرن لـه الضيفـان تـواقـه
احد من ضيوفه مصبـح واحـد ضـاوي

قصر جعفر بن جمل بن شـري واشقاقـه
قصـرٍ يـذري ذراه ويهجـي الـطـاوي

به مجلـس فيـه نـار السمـر شعاقـه
وفواصل البـن الاشقـر وازرق الجـاوي

النعم والبيـض لـه فـي كـل شوهاقـه
والصـدق مالـه نطيـح ومالـه مقـاوي

كـان النعـم تربطـه باصحابـه علاقـه
مـع جعفـر ذابـح الـغـرم ومـخـاوي

شرهات الامجـاد فـي طاريـه منساقـه
الامـداح هويانـتٍ مدحـه وانـا هـاوي

بنـات فكـري تعشـق الطيَـب إعشاقـه
الله يصـح الصحيـح ويغـوي الـغـاوي

شـره الروابـع علـى الامـداح سباقـه
ولا ضعـاف الروابـع نجمهـا هــاوي

مطلق عمـس خطـر الضيفـان باخلاقـه
وجـه التقـي الرضـي المفتـي الـراوي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

 

 

 

 

 

 

 

 

توقيع : حلم~

💜

[ماجد الشيباني]

تسلمين اختي احاسيس على القصيده

وسلمت يداك

انتظر جديدك ودمتم بحفظ الرحمن

تحياتي

[حلم~]

آسعدني مرورك

[سعيد محمد القحطاني]

يبعد عيني ي احاسيس حق انك احاسيس دائماً
لك حس وذوووق قصيده جزله تسلم يمينك
الحميييييله تحياتي وصادق ودي ولاهنتي

[حلم~]

اسعدني تواجدكً

[جـــود ,]

ذائقه رائعه
تسلم يدك

[محمد الوريكي]

اختيار موفق دوم وانتي مميزه
بذوقك واختيارك سلمت يمناك

[سعيد الهباش]

مايحتاج اقول رأيي في اختيارك ...ماشاء الله
ابن جدلان بحر ... والشيخ جعفر بن شـري يستاهل المدح ... يسلم ذوقك

[فهد الهباش]

قصيدة من الوزن الثقيل
وفي شيخ تبنى له البيضاء على كل طائل
الشيخ ابن شري ونعم الرجل
صح لسان ابن جدلان
ويعطيه العافية ابن زميع صوته عذب


وانتي تستاهلين التحية والتقدير والتقييم ،، يا مبدعه

[رائد العصيمي]

ياسلام عليك

اختيار جدآ مميز وجميل

اشكرك