باقي ثلاث أيام ثـم عـاد اخليـك

[عيوني حزينه]

خذ ماتبـي منـي ومافـي يديَـه
باقي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]أيام ثـم عـاد اخليـك

أخـذ الرسايـل كلهـا والهـديَـه
بمسحك من صفحة غرامي وابنفيك

ماعاد لي ويـاك روحـه وجيَـه
لا عاد ترجيني ولا نـي براجيـك

ماعاد انـا اللـي ليلتـه شاعريَـه
كسرت مجداف الغلا بحد شاطيك

صحيح ماجا منك ذنـب وخطيَـه
بس الضروف اليوم تجبرني انهيك

وفيت أنا ادري والمشاعـر وفيَـه
يالله عسى عين السعـادة تراعيـك

هاك الأمانه وانت رجعنـي ليَـه
امسح دموعك لا تبيَـح خوافيـك

أضحك وخل الحزن يبكـي عليَـه
غمض وخل السهر لعيون مغليـك

أنسى وأنا بوعدك ماتطـري فيَـه
خلاص بتأكيد لا يمكـن اطريـك

بودعـك واقبـل سـلام وتحيَـه
لاتلتفـت وتفكـر أنـي بنـاديـك

لاكن قبل لا تروح لحظـه شويَـه
خذ قلبي يوم أنه حلف ما يخليـك




الشاعر / خالد الهطلاني

 

 

 

 

 

 

 

 

توقيع : عيوني حزينه