( شامان المري + محمد المري)

[شامان المري]

السلام عليكم ورحمة الله وبركاته


حبيت العب على طاروق
واللي له خاطر مرحبا به




سلام الله على الوافين والله يرحم الشيبان====خذوا كل المطالع والعلوم وقد حن التالين
سمعنا فالسوالف قولت الميدان ياحميدان====ولاجربتها والحين ادورلي على احمر عين

 

 

 

 

 

 

 

 

توقيع : شامان المري

[rplayer]http://youtu.be/5kwHAJOCP-w[/rplayer]

[محمد بن عبدالهادي المري]

اررحب اررحب

الا يا مرحبا والله يحيي بادع القيفان .... وحنا في طريق اسلافنا يا صاحبي ماشين

تحزم يا طويل العمر وادخل ساحة الميدان .... ولا تلهى تراها ساحةٍ ما تبغي اللآهين

[شامان المري]

هلا وابك البقا والملعبه صبحا وبنت حصان====عواتقها نحاف وهي دسمها فاخر الاسمين

تثور المروه من اللي يصير وناقة عريمان=====قطع عرقوبها جور الزمان وطاحت من سنين

[محمد بن عبدالهادي المري]

ترا بعض البضايع لو عليها بصمة اليابان ........ نعرف انها تجي من مصنعٍ التلفيق وسط الصين

سمعت بطير ابن برمان يومه غش ابن برمان ....... ومن يامن غراب البين ويله من غراب البين

[محمد بن عبدالهادي المري]

شامان عطني ردك وانا انشاء الله برد عليك العصر وراي دووام وودي ارتاح شوي

[شامان المري]

انا ماجيت ادور من جناب الناس صح لسان=====ولالك حق بس نصفي حساباتنا بعدين
تدخل فالدعايه واحدا ماهوب فالحسبان=====وراحت عين لكن العلوم تقول خشم وعين

[شامان المري]

بانتضارك يابوجاسم وعسى ربي يعينك

[أمير الشريف]

شامان ومحمد .. شعار مبدعين عسى الله يقويكم على المحاوره .. كملوا والى الامام

<< في صف محمد ههههههههههههههههههه

[شامان المري]

امير الشريف
ههههههههههههههههههه
من ذالحين مسكت في صف محمد
واقول لك مرحبا مرحبا بك
ولاهنت نفدا خشمك على المرور وابشروا باللي يرضيكم
وابو جاسم عذره معه جعل ربي يحفظه
وبانتضاره يرجع باذن الله

[محمد بن عبدالهادي المري]

نقول المتهم يبقى ورى القضبان يا شامان ..... الين انا نحقق فالقضيه وانعرفها زين

اذا هاج البحر ما ينفع القبطان والربآن ...... عسى ربي يوجهها على المرسى تروح بزين



اررررحب يا أمير جابك الله انا الظاهر اني توهقت خلك قريب غششني