جمـــة الــبير......

[~{سوافي~الريح}~]

طاااااال إنتظار الدلو يا جمّة البير
و الما " يمووت " , و حبل الايام جاير !

وانا تعبت من / الصبر و المشاوير
لين القدم خاوت دروب العثاير ,

مشت على جمر الغضا والمسامير
و اثر الحياه مربعات و دواير

وخطوط حمرا للرجال المناعير
ما فرّقت بين الحضر و العشاير !

والصبر زين و كل مطرود في خير
ملحوق .. لويسري على جنح طاير ,

لكن صبري يازمن / غير في غير
ما اصبر عن الما و " العطش فالضماير "

عمري سنابل والدقايق / عصافير !
تاكل من ايامي و انا اموت حاير !

إنشد ظلام الليل كيف البواكير
تنزل على قلبي و تالع صقاير ,

صارت همومي عند قلبي طوابير
من " سبّة الفرقا " و بعد البشاير !

و احزان قلبي بين جهْم و مغاتير
ترعى من القلب الخضر و العباير

" و الله لو عندي جناحين لاطير " !
وانزل على عشب , و غرام , و ظفاير ..

وارد على منهول ست الغنادير
و ألمّها بين الجروح الغواير !

لكن وصلي , ما لقى له معاذير
و فراقها مثل الذنوب الكباير !

ما اقول غير " الله يلمّ المناثير "
و يصبّر المكسور / نيل الجباير ,

دام إنتظااار الدلو يا جمّة البير ,
للما " يموت " .. و حبل الايام جاير !


* فيصل السوّاط

 

 

 

 

 

 

 

 

[البرنس السعودي]

سوافي الريح

صح ذوقك ولسان الشاعر

ابيات في قمة الروعه والابداع

اهنيك على الاقتناء المميز

تحيااااااااااااااااااتي

[~{سوافي~الريح}~]

البرنس السعودي
صح بدنك ولاهنت أخووي الكريم على هالمرور العطر

[سمـ المراجل ـو]

وخطوط حمرا للرجال المناعير
ما فرّقت بين الحضر و العشاير !

والصبر زين و كل مطرود في خير
ملحوق .. لويسري على جنح طاير ,

لكن صبري يازمن / غير في غير
ما اصبر عن الما و " العطش فالضماير "




الله الله يا سوافــي ابيات في قمة الجزاله يعطيك ألــف عافيه ع الانتقاااء الراقـــي


سلمت لنا

تحياتي وتقيمي

[~{سوافي~الريح}~]

سمـ المراجل ـو
يعافيك ربي ويخليك
الرقي هوشخصك الكريم
ومشكوور على التقييم

[ذكريات]

ياسلامي عليك سوافي
على هالاختيار الرائع الله يعطيك العافيه
وفي أنتظار جديدكـ

لاهنتي

[~{سوافي~الريح}~]

ذكريات
الرووعه هو حضوورك الرااقي
لاندمت إإإإحترامي لشخصك اااالكريم

[نايف الشمري]

ااالله ااالله ااالله

فيصل السواط شاعر جزل التقيت به ذات مره في ملتقى عنيزه للشعر النبطي

تحاورت معه في عدة موااضيع والقى علي كم قصيده من قصائده الغزليه رووووعه خيااال صراااحه

عزيزتي سواافي الريح اشكرك على هذا الادرااج المميز للشاعر فيصل السواط

تقبلي مروري المتواضع تحيه لك

[حلم~]

آنقآء جميل ..
شكرآ تعآنقكِ ..
عآفآكِ الرب ..

[~{سوافي~الريح}~]

نايف الشمري
فيصل السوااط من الشعراء المميزين ويعجبني طرحه
مشكووور على المروور الرااقي لا خلا ولا عدم يالشيخ