للشعر ذوووق..وراعي الشعر..له ذووق

[بنت برقا]

للشعر ذوق.. وراعي الشعر له ذوق
وكلن يرتبها على حسب ذوقـه..
أحدن بناها فوق سيسان وعـروق
وفي سبّع الارض العميقه عروقـه.
شاعر.. وعن غيره بمعناه مفـروق
فابياته الجزلـه.. تلاحـظ فروقـه
شعره غزير وجزل الابيات مطروق
ودك تكرر كل ساعـه / طروقـه
يعجبك وتشدك معانيـه ويـرووق
حتى قليـل المعرفـه به..يرووقـه
وأحدن كلامه فيه ميلات.. وفتوق
لكن زينه يخفـي أكثـر فتوقـه..
يطغى عليه اسلوب الابداع من فوق
وتلمس معالم لمعـة الشعـر فوقـه
وفي كل يوم يزيد ترسيخ وشـروق
جـودة معاييـره تؤكـد شروقـه
وأحدن كتبها.. لكن استاقها سوق
كنه يباري ذود هجـن ن يسوقـه
مره يسابقها.. ومـرات مسبـوق
ذلوله اللـي مرتدفهـا.. سبوقـه
يعني بمعنى صح.. عجلن ومطفـوق
ومن طفقته تعرف مواجع خفوقـه
كلام متعجرف/ مكسر/ ومحـروق
دخانه اسود.. يفضح أكثر حروقـه
والمشكله يالربع.. لنكان مسروق!
ودك توطى فوق غارب سروقـه..
لاخوف من ربي.. ولاحفض لحقوق
واحد كتب.. والثاني اهدر حقوقـه
وتالي كلامي.. كل شاعر وله سوق
وكلن يحقق رغبته.. وسط سوقـه


لشاعرها : وصل الله حمود الوقداني

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات