الصد فيروس مانقدر مكافحته .. قصيدة جديدة

[رائد العصيمي]

سلام عليكم

من جديد وقصيدة جديدة لعلها تروق لكم

يقول:

الهاجس اللي على المستور وداني
يبطي وهو بالضمير بعيد مابحته
مخفيه عن ربعي وناسي وخلاني
لو كانت سهوم شوق الحب جارحته
والله ليبطي وحلقي حامي لساني
والناس تبحث خطأ ماهيب دامحته
ماهمها تعرف المجني من الجاني
اهم حاجة مابين الناس فاضحته
ياهاجسي!وخر سهومك لاتبلاني
ترا رفيقك صدوف الوقت طارحته
واللي ذبحني ترا مكحول الاعياني
اللي على الوصل يامصعب مصافحته
تغيّر الزين ياعزي وخذلاني
والصد فيروس مانقدر مكافحته
مدري علامه على الصدات يلعاني
وانا من الشوق حبيته وصارحته
الله يرده علي نادم وهيماني
عيني على مسلك الندمان لامحته
لكن ياهاجسي لاينطق لساني
الناس تبحث خطأ ماهيب دامحته

وسلامتكم

ارائكم تهمني وتقييمكم يحفزني

رائد

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[أم عمر]

وعليكم السلام ورحمة الله

صح لسانك شاعرنا على هذه الابيات الرائعة

لا هنت

تحيتي وتقديري ونثر النجوم هنا اشكرك لجميل ما طرحت

[موسى ابومشهور]

الله -الله - ابداع - وسلاسه - وعذوبه - متناهيه - شاعر لك - اسلوبك - الراقي - صح لسانك

[تذكار الغلا]

صح لسانك ..ابداع ×ابداع ..
سلمت الاياادى ويعطيك الف عاافيه
على رووعة وجمال الابيات
اكااليل الشكر انثرها على عتبات متصفحك
بانتظاار جديدك بكل شوق
ودي وشذى وردي

[غشام البراق]

صح لسانك
لاهنت

[طلال العتيبي]

صح لسانك

[خالد العبيريد]

واللي ذبحني ترا مكحول الاعياني
اللي على الوصل يامصعب مصافحته

الله الله,,
وعليكم السلام والرحمه,,
مرحبا يارايد حياك الله ياهلا,,
صح الله لسانك وصح قلبك وكلك ولاهنت,,
معزوفه شامخه من شاعر شامخ طال عمرك,,
تحياتي وتقديري لك.

[بنت برقا]

شاعرنا رائد العصيمي

صح السانك حتى ترضى

الإبداع دائماً مانغوص له في بحر حروفك

دمت بكل خير