مجنون زعلاتك

[رشيد]

.


تزعل واراضيك واتلذذ بتزعيلك

تبي الصراحة انا مجنون زعلاتك

لاقمت تبعد وانا اقرب وادنيلك

وامسك طرف غترتي وامش دمعاتك

وتبدي تعاتب وانا كل انتباهي لك

ما اسمعك شتقول انا عيني على شفاتك

وتعيد حجيك وتفرك حيل منديلك

وتخالطت صادق حروفك بوناتك

واحاول ارضيك ومدري منين ابديلك

واحتار واذكرك في بعض زلاتك

واسمعك ماكتبته بك واغنيلك

طاروقك اللي تحبه واكسر سكاتك

واستسمحك واعذرك واسمعك واشكيلك

واتلهف لبسمتك ورد ضحكاتك

يسرقني الوقت ولا يمديني احكيلك

كلام اللي تحفظته لشوفاتك

وقت الوعد فات وعيوني تراعيلك

واقفيت واشغلت قلبي بلتفاتاتك

عيني على خطوتك والقلب يدعيلك

الله يحفظك من الحاسد وشماتك

تزعل واراضيك واتلذذ بتزعيلك

تبي الصراحة انا اعشق كل حالاتك

...
..
.

- حمد السعيد


.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[أم عمر]

ابيات جميلة جدا ورقيقة

صح لسان شاعرها

وسلمت يمين ناقلها

مشكور اخوي رشيد للانتقاء الراقي جدا

تحيتي وتقديري

[رشيد]

اقتباس المشاركة الأصلية كتبت بواسطة لولوه المري ابيات جميلة جدا ورقيقة صح لسان شاعرها وسلمت يمين ناقلها مشكور اخوي رشيد للانتقاء الراقي جدا تحيتي وتقديري

يسلمك ربي يا لولوه
شكر لك بحجم السماء