قصيده .. موجهه لشاعر الكبير خالد أبو سهيـل

[يحيى الأسيود]

بسم الله الرحمن الرحيم

السلام عليكم ورحمه الله وبركاته

اقدم لكم قصيده جديده اوجهه لشاعر الكبير خالد ابو سهيـل ,, واللي في مضمونها شكوى

اليكم النص واتمنى يحوز على رضاكم

ياراكب اللــي كل دربن هــو مشاه
... جيبـــن جديـد ويكوي الدرب ابلهب

المفخــــــره والـدرب يفخــر لا وطاه
... وليا انطلق وافــي كما ســـرع الشهب

خذ ذا الجواب اللي ترى في محتواه
... شكــوى لصاحبنا ولا ابها مــن عتب

بالك تجــي يمـــي وخالــــــــد ما قراه
... لازم يشـــوف اللـــي مسبب لي كرب

ســـــلام ياللـــــــي دوم وافي لصدقاه
... والمستحيــــــله لجلهـــــم دايـــــم جلب

مـــن هـــو عنا يـمه تــرى يلقى وفاه
... والطيـــب ساســـه قلتهـــا وبـــــلا عجب

خالـد رفيقــــك ضايـق ويشكي عناه
... وانــت اللذي تفهـم ومعــــدنــك الذهب

تفــــزع ويفـزع معــك قافــن يا حلاه
... وليا طــرقتـــه لازم اتـعـــــــرف السبب

وش حيلــــة اللــي خلـــه الغالي جفاه
... سبة عواذل بــــي حكو هرج الكذب

ولاسئلنـــي عــــن خطايــه ذا خطاه
... شـــــد الرحيــــل وخـافـقــــي منـه تعب

والمشكله يابــو سهيــل اعشــق هواه
... والكـــون بعيـــــونــي مــن الفرقا خرب

وسلامتكم

 

 

 

 

 

 

 

 

توقيع : يحيى الأسيود

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ