هبت رياح الشوق

[متعب الثقيل]

السلام عليكم // صبحكم الله بالخير جميعاً

جديده لي ،، أتمنى أن تنال الإعجاب

،،،،،،،،،،،،،،،،،،،،،،،،،،،،،،،،،،،



يافلسفة إبداع ، تسكن في فكري
مستاء أنا ، من سبة الهجر بالذات



مشاعري ثـــارت علي ، دون مدري
ثم غار فكري وابتدى سرد الآبيات



هبّت رياح الشوق في جوف صدري
على الـذي بيني وبينه مسـافـات



حبه سكن في وسط دمي ويجري
داخل عروقي وإستباح المساحات



أدري لو إنه عن عنا الشوق يدري
لجلي ،، وربي يبذل المستحيلات



حبي وحبه غير ،، صافي وعذري
ماقد ربطنا الحب باهداف وغايات



أحلى سنيني ، واجمل أيام عمري
قد عشتها وياه ، في ماضي ٍ فات



لو مات ؟ موته حق ، ويهون أمري
واقول حنا أموات ، وعيال لاموات



بس المصيبه ، إن الآيام تجري
وأزريت آبلمح في رجوعه علامات



قبل الغياب ، الليل بالحيل يغري
وعقب الغياب ، الليل هم ومتاهات



ياطول ليل البعد ، عيّا لايسري
أهب ياليل العنـــــا ،، والغيــابـات



ماحد ٍ قدر يسّهرّك ياليل كثري
إن نمت ساعه ، أسهر أيام مابـــات



عليك أنـــا ياليل ، ياقـو صبري
جرّعتني سم السهر ، دمع وآهات



بدري علي أنساه ، والله بدري
وهيهات أبعشق غيره اليوم هيهات

وسلامتكم
،

 

 

 

 

 

 

 

 

توقيع : متعب الثقيل

آللهم أشرح صدري ،، ويسرلي أمري ، ،