عيد الضحيه

[غشام البراق]

مبروك لاقالها مخلوق

طبعا من السعد وافراحه

وانا لمرت تقل مخنوق

مجروح بيدين جراحه

حسبي على اهل الحسن والذوق

ذباحة الشيخ بسلاحه

عيد الضحيه نهار السوق

ينساق قلبي لشراحه

ياليتني ياعرب مشنوق

ولاشوف بالعين مرواحه

قفت وتلت لي المعلوق

وفارقت انا عقبها الراحه

وسلامتكم

 

 

 

 

 

 

 

 

[تذكار الغلا]

ابيات رائعه
معاني جزله
بانتظار المزيد من ابداعتك
ربي يعطيك العافية

[غشام البراق]

عيدك مبارك ياتذكار ومشكوووووووره على المرور الي يشرفني ومرحبابك

[هوى الغربي]

الله عليك ياغشششام انشهد شاعر كفو

وابيات قيمه بيض الله وجهك وصح الله لسانك مدد لا عدد

والله يعطيك العافيه

[غشام البراق]

يامرحبا ياهوى الغربي تبي الصدق والله اني اذا شفت تعليقك انبسط ومن دون قاصر بالجميع لكن اول تعليق على مشاركاتي هنا كان لك ومن يومها وانا مرتاح لك ومرحبا والقصيد مايحلى ويزين الاا اذا منه كسب رضاء الي مثلك وشرواك