ســـلام يــا ملتقى مــره ويــــا آل أفطيس

[عامر صالح ال شنيف]

السلام عليكم ورحمة الله وبركاته
قصيدة تعبر عن نفسها اتمنى ان ترتقي للذائقة

ألــوه يــا خوك طرّف لي معك طــرّيس
والا اســمـع اللي بقول ومـا يهوجس لي

عـــمـا يــدس الخفوق ومـا يـــزرّ الكيس
هــم ٍ يــــوزّي به الــغربـي لا نسنس لي

ألك الســـلامـــة وهمي جـــالـــه التنفيس
وعـــز الله أنـــي كبته لــيــن كــــدّس لي

ضـيــق ٍ مصـــلاّه حـدرى قبة التقــويس
في رمــضـة ٍ لا تيمم قـــام يــوسوس لي

تــقــول يـقــرا وينفث داخـــلـي قســيـس
من وين يــومي بقـوس ٍ قــاب يقوّس لي

قبــلــة سليمــان تنحى صـــــومعة بلقيس
مــن دون مــأرب خـذت جني تحسس لي

ســـلام يــا ملتقى مــره ويــــا آل أفطيس
ســـلام والفكــرة إللي جــت تهجرس لي

معنــاي ذروة سنــامـه من ذرى التسييس
مــا جيت بــه من فراغ وقمت أوجّس لي

عكـــازتــي بـــاليــه من عايث التسويس
واشــوف سد المــــآرب مــــا تسوّس لي

عـــرش ٍ بلا ســـاس يبلا بــوّل التأسيس
وجــســم ٍ بـــلا راس ميت ٍ لو ترأس لي

وحــظ ٍ بـــلا وفق كنه حية أم أجـــريس
يــرقـص ذنبها وضرس السم يضرس لي

والــــذربه أللي خذت قلبي وسـرت أهيس
تــهــويســة الــذيـــب فــي قفر ٍ تهيّس لي

وجــــدي عليــهــا وجـود ٍ ملّه وتقـــديس
وصـــلاة ربــي على وجـــه ٍ تمـــيّس لي

أم ٍلخــمس الصفـــات أللي عليهــــا قـِيِس
شطر ٍ يــــــوسّف لها وشطر ٍ يحدّس لي

فلقـــة وفـــجــة وســـاتر جسمها السنديس
ومـــخــــدّرة رمـــــش عين ٍ لا تنكّس لي

وخــصر ٍ لـيا خــمته خمس ٍ على تخميس
زادة على الخمس خمس وجـــت تفرّس لي

هـــــذا وجــــودي عليها لا غـدى الفريس
و أقنب لـــهــا من ضميري علّ تونس لي

أقفت ولا عـــــاد بـــاقـي فالدروب وديس
إلا ومـــريـــت فيـــهـــــا بــــــا تعسس لي

وهـــــــذا خبرهــــا وهمي جـــــالـه التنفيس
وعـــــز الله انـــــــــي كبته لين وسوس لي

وسلامتكم وسلامة نواظركم
عامر صالح ال شنيف

 

 

 

 

 

 

 

 

[فزاع المرشدي]

ياعامر ياعامر صح الله لسانك ياعامر

قصيده جزله ومعاني ثمينه والله يعلم الخافي

يامبدع لاعدمناك

[سحابة الطائف]

صح لساااانك
قصيده رااائعه وصعبه جدا
تقيييييييمي

[ظافر العرجاني]

صح لسآآآآآآآآآنك ياعامر واعتلا شانك

قصيدة جزله من شاعر مبدع وجزل

وننتظر جديدك يالغالي

تقبل تحياتي وانا اخوك

[خالد العبيريد]

وعليكم السلام ورحمة الله وبركاته ,,

اررحب يابو صالح حياك الله ,,

صح الله لساانك وصح قلبك وكلك ولاهنت على هالمعزوفه الجزله هههههههه والله يلحق كل نفس بهواهاا ,,

اطنخ ياعم والدنيا زايله ,,


تحياتي وكل تقديري لك ودمت جززل ورائع.

[بدر الشدادي]

عامر صح قلبك والسانك مليون يالقرم
اعذب الود

[غصة حزن]

صح لسانك عامر
قصيده رائعه

[عبد العزيز الهزاع]

يبو صالح صحّ لسانك يا الرّاقي
هذي يبغالها اتصال ،، عشان نتعمّق فيها

وسوست لي لكنّها معزوفه شعريّه نادره
تقبل مروري وموفوور الاحترام
أخوكـ
عبد العزيز الهزاع

[فراشة]

حياك الله .. وصح لسانك يا الشيخ ولاهنت
النص غييييييييير عن العادة واسلوب مختتتتتتتتلف عمّا سبقَ
رائع وصح لسانك مرة ثاانية
تقيييم

[عامر صالح ال شنيف]

حياك يا فزااع
وتسلم وصح الله ابدنك وحالك ولاهنت
اشكرك ما عند الله خافي