قصيد القلب ( اهداء لك )

[عبدالله القحطاني]

بسم الله الرحمن الرحيم
السلام عليكم ورحمة الله وبركاته
قصيده جديده لم تخرج من سياق قصائدي السابقه من حيث المعنى والتركيب
كل ما اتمناه ان تحوز على رضا كل من يقرءها :



[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياقصيد القلب وفَر مابقى=مابقى لك فالهوى شف وغناه
كل حرف(ن) يتبعه هم وشقى=يكتبه دمعي على خدي وصاه
من هجر قلبي على وضح النقى=والله ان الموت اهون من رجاه
لو فوادي ذاب في رجوا لقى=مارضيت النفس تمشي في رضاه
والله ان القلب صدَق ماهقى=قال مظنوني نسى بيت(ن) بناه
قلت مظنونك زرع زرع وسقى=غير ليته مازرع زرع وسقاه
يزرع الضيقه وبالقلب اتقى=لابغيته جر قلبي في تقاه
دمع عيني مثل رجلي في اللقى=ماثناه الوقت من شيء(ن) بغاه
لايحسب الدمع لاحول رقى=لاتعدى الرمش ماعود وراه


[/poem]

وسلامتــــــــــــــــــــــــــكم

 

 

 

 

 

 

 

 

توقيع : عبدالله القحطاني

اللهم صل وسلم على نبينا محمد

[مشاري القحطاني]

يسلم تمك يا ابن العم
رائع يالمشعلي ان ما خاب ظني انك مشعلي!

[خالد العبيريد]

لايحسب الدمـع لاحـول رقـى
لاتعـدى الرمـش ماعـود وراه

الله الله عليك ختاام مسك ياعبدالله ,,

وعليكم السلام ورحمة الله وبركاته ,,

ياهلا ويامرحبا ياعبدالله حياك الله ,,

صحيح قصيده مختلفه ونلاحظ التميز يتكرر يالقررم الله لايضررك,,

صح الله لساانك وصح قلبك وكلك والا الامااام يالغالي انت قمة أبداع,,

تحياتي وكل تقديري لك.

[عامر صالح ال شنيف]

يا سلام يا عبدالله
نص فااخر وزااخر بالجزاااله والعذووبه دقة التوظيف
فسلم راسك وصح الله السانك وحالك وقلبك ولاهنت

[الماسـه]

صح لسانك عبدالله
ابيات قمه فالجمال
الله يحفظك يارب

[محمد بن عبدالهادي المري]

صح الله لسانك يا ابو عابد وبيض الله وجهك

مبدع وابداعك في تزااايد

[بدر الشدادي]

صح السانك وقلبك ياعبدالله مليون ابيات رائعه
تحيتي لك

[محمد الشريف]

دمع عيني مثل رجلـي فـي اللقـى-ماثناه الوقت من شـيء(ن) بغـاه
اعتقد ماحد سبقك بمثل هذا ياعبدالله صح الله لسانك ولاهنت

[عبدالله السفياني]

صح لسانك
مدد بلا عدد

لاتقطعنا من جديدك المنتظر

[ولد نجد]

صح لسانك واعتلا شانك
القحطاني ودي وتقديري