العشر ماترجع ثمان

[أمير الشريف]

مساء الخير للجميع


قصيده نشرتها في أكثر من منتدى .. فحبيت اني انزلها في هذا الصرح ..

إليكم القصيده



شان الزمن في عهدنا ياناس والكذب انتشر
والصادق اللي مخلصن في نيته كنه غريب


اللي فعوله صادقه في ذا الزمن ماهو بشر
والخاين اللي ما صدق ينقال له وافي وذيب


لا به وفى لا به صفى ماغير وقت بنا كشر
فيه القريب اصبح غريم وقالوا انه لك قريب


وانا بفضل الله وفي .. راسي مع العز انخشر
آمنت بأني عبد وان الله على فعلي رقيب


يوم ان عرفت ان الطريق اللي امامي للدشر
واني ولد ناسن لهم شمس استبانت ما تغيب


وقفت في عرض الطريق ودقت العين فلشر
واعرضت عن دربن يودي للنذاله ما يجيب


العز يبغى له صبي .. ماله بكذابن أشر
وانا لبست وشاح عز وخذت من عين اللبيب


السر لا جاني وقف .. محفوظه احقوق النشر
اجني كلامي من عقل واتجنب اللي هو يعيب


العشر ما ترجع ثمان .. العشر تبقى هي عشر
لو جارت ايام الزمن وامسيت في دمع ونحيب


والأخ يبقى لي اخو في وقت خير او وقت شر
اللي يحابيك الكلام يبين في الوقت الرهيب


القلب كنه من فعايلنا تباكا وانقشر
والراس من هول الزمن في كل لحظاته يشيب


يالله تحشرني بزمرة سيدي يوم الحشر
وانت الذي منهو دعى بك يا إلهي مايخيب








وسلامتكم واعذرونا على القصور

 

 

 

 

 

 

 

 

توقيع : أمير الشريف

سبحان الله وبحمده سبحان الله العظيم إجعل قلبك يخفق بها

[صمتي شموخ]

يشرفني ان اكون

ممن اتيحت لهم

فرصة المرور

وتذوق ابداع قلمك

فسلمت يمينك

ودمتـ بود

مررت من هنا فزرعت احرفي

اختك
صمتي شموخ

[العقاب]

الله عليك يالامير

مامن قصور وانت كل حين والاخرى تروي عروقنا بروعة قوافيك

صح لسانك يالغالي ولا حرمنا هذا الجمال


لاهنت يالغالي

تحياتي لك

[حضرة الغياب]

شكرا ع التميز والابداع

[ناصر الشريف]

امير الشريف صح لسانك حتى ترضى لا يسعفني الكلام

لافيك حقك كشخص ولكن ساحاول ان افي هذه القصيده معى ان الكلام يتضائل امام هذه الشامخه

قصيده لامست مشاعري ونقلت الي انفت صاحبها فتقبل مني اجمل تحيه

[عيوني حزينه]

صح لسانك يالامير

هذا ماتعودناه منك يالغالي

تقبل مروري واعجابي

لك تحيه

[ألاداره]

يالله تحشرني بزمرة سيدي يوم الحشر
وانت الذي منهو دعى بك يا إلهي مايخيب


اللهم آمين..صح لسانك يـ الأمير..أبيات بمثابة نصيحه
لاهنت ولاهان نبضك

[أمير الشريف]

اقتباس المشاركة الأصلية كتبت بواسطة صمتي شموخ يشرفني ان اكون ممن اتيحت لهم فرصة المرور وتذوق ابداع قلمك فسلمت يمينك ودمتـ بود مررت من هنا فزرعت احرفي اختك صمتي شموخ

يعيطك الف عافيه ياختي الكريمه على المرور المحفز .. وان شاء الله انها راقت لك .. تحياتي لك

[أمير الشريف]

اقتباس المشاركة الأصلية كتبت بواسطة العقاب الله عليك يالامير مامن قصور وانت كل حين والاخرى تروي عروقنا بروعة قوافيك صح لسانك يالغالي ولا حرمنا هذا الجمال لاهنت يالغالي تحياتي لك

صح بدنك والله لا يحرمني ردك .. ردودك لها نكهه خاصه واقولها وانا صادق لا محاباه ولا مجامله .. الله لا يهينك .. تقبل تحياتي

[أمير الشريف]

اقتباس المشاركة الأصلية كتبت بواسطة حضرة الغياب شكرا ع التميز والابداع

عفـــــــــــــوا ولك من جزيل التحايا