نهايات السفر يوم التقينا والقلوب اشباه؛؛مطلوبه

نهايات السفر يوم التقينا والقلوب اشباه؛؛مطلوبه

السلام عليكم ورحمة الله وبركاته
قصيدة قديمة ومطلوبة من الشاعر خالد العبيريد
سبق ان قد نشرتها من قبل

نهايات السفر يوم ألتقينا والقلوب أشباه
تشابهنا في كل أطباعنا حتى بدمعتنا

لقينا بعضنا نصفين يميزنا النفس مجراه
زفير وشهقة ٍ كانت دواعي سرّ جمعتنا

وتخالفنا عن حروف الشفاة ونبضنا يقراه
كلام ٍ تعجز الدنيا تترجم ما بجعبتنا

ونظرات العيون إللي خذتنا في زمان أتلاه
سنين ٍ مضمحلة بس عشناها بنظرتنا

وتعايشنا مع الواقع ودسنا كلما يطغاه
من هموم الحياة إللي هزمناها ببسمتنا

وذقنا من مرير العيش ما يجعل لذيذ أحلاه
إذا ذقنا الفرح ساعة وخالطنا برعشتنا

وعطينا للحياة أبعد معاني وللعطا معناه
وزرعنا للوفا روحين تحيانا إذا متنا

وملكنا عالم ٍحنا فضاءه والنجم يزهاه
ورحلنا في ملاكوته إلى مالا نهايتنا

وتجلينا فـ/غاية حلمنا ودروبنا تنخاه
عسى ما تخطي الخطوة ولا يصغر بعثرتنا

وخضبنا كفوفنا وتشابكت آمالنا يا الله
تتمّم رحلة الغاية على دربك وفرحتنا

نهار يظلنا عرشك من سموم اللظا صلواه
يذوب الصلب من حره ونعرف قدر جنتنا

ونسينا غرة الدنيا وتقنا في كفوف الجاه
وذكرنا مطمع الغاية إذا فزنا بدعوتنا

عسى ربي يجازينا بعفوه والرضا برضاه
وعسى روحين في حبه تلاقت وسط دنيتنا

يلاقيها نهار الحشر مجتمعه سوا وأشباه
ويميزها عن الباقي بدمعتنا وضحكتنا

سلامتكم وسلامة نواظركم
عامر صالح ال شنيف

المصدر: الملتقى الجماهيري للشاعر محمد بن فطيس المري