سلامي على ابن خريم

[ناصر بن حسين]

سلامي على ابن خريم كساب الامداح
سلامٍ يهز طويق عقب السراتي

حسن يا حسن قالو لي المسك فواح
وانا اخاف ريحه لا يضيع صلاتي

مضى ما مضى والعبد ضايق ومرتاح
وشمس النقى تشرق بكل الجهاتي

ولكن طريق الذل فيه الشرف طاح
وصمت العرب عذب كلام الرواتي

واذا فيه للبستان حامي وشراح
خذيب العوض قبل امس للمقبلاتي

غريبه سياسات المخاليق يا صاح
تخالف طريق الله وتبغى النجاتي

احاديث مكذوبه لها العقل فضاح
ونتجاهل الصادق وننسى المماتي

سبحت البحر لكن ماني بسباح
وشفت الرضا مسلوب باقي حياتي

يقولون جرو الكلب كالكلب نباح
وشبل الاسد له هيبته فالسكاتي

وانا شفت درب الحق فالطيش وضاح
وشفت الهوا مسموم وانقذت ذاتي

معي خارطه فيها الولا للبشر لاح
ونحيت عنها من يذم احسناتي

وجودي عليها كل ما صايحٍ صاح
وغبني عليها ساقت المعضلاتي

وفي يوم ثامن بعد الاضحى لي جراح
تميز طريقي يا حسن واعبراتي

لو يصير مهما صار ماني بمنزاح
عن المنهج اللي فيه قمة نجاتي

 

 

 

 

 

 

 

 

[بدر الشدادي]

صح السانك ملبون ياناصر وبنتظا رد ابن خريم

[شمووخ بدويه]

صح لسانك وجزاك ك خيرر
واصل يامبدع

[محمد الشريف]

صح الله لسانك يبو حسين ولاهنت ولاهو بغصبــــا <<<هع
وحسن مطلق واكيد رده بيكون وافي والله يجعلنا من اهل الحق والصلاح
لاهنت يبو حسين مبدع ولاكن غريبه تطرقك لهذي

[فرح الشهري]

صـــــــــــــح لسانكـ واعتلى شانـــــــــــــــكـ

[أمير الشريف]

صح الله لسسسسانك .. لاهنت

[حسن آل خريم]

..


صح اللهـ لسآنك يَ أبو ح ـسين
شرف كبير لي أن شآع ـر بِ حجمك يسند لي قصيدهـ بِ إسمي

لي عودهـ بِ مآ يكون

؛

[الماسـه]

صح لسانك ناصر

[موسى ابومشهور]

روعه - روعه - روعه - صح لسانك يالسنافي - جزله جزله - -
شاعرنا - - - ناصر حسين - - -