كل عين ماتعلى على فوق الحجاج

[سلمان القحطاني]

بسم الله الرحمن الرحيم

يسعدني مشاركتكم في هذا المنتدى بهذه القصيده واتمنى ان تكون إعجابا لكم

شدني صوت وانا داخل سوق الحراج
التفت وشفت عذرا يرويها ولد
كنها اللي ضاقت بها وسيعات الفجاج
حالة حاله وﻻ به رفيق مستعد
قلت انا تاجر ويمكن نلبي لحتياج
قالت ابيض وجه ياللي كما طير الهدد
قلت ماتبغين قولي ولابه من حراج
مستعد اسوي اللي محد سواه ابد
قالت الوالد كبير ويحتاج العلاج
قلت والدكم كريم ويبشر بالسعد
قالت امي وسط خيمه يلوفها العجاج
قلت تبشر بالعماره وفي وسط البلد
قالت الله اكبر اللي فزع لي بالخراج
جابك الله فزعه لي وﻻ به من وعد
شوفتك عندي قراح وأنا قبلك هماج
قام يبرق فالسما برق ويحن الرعد
كانت الدنيا ظلام وصرت انت السراج
وين دارك من زمان وأنا حظي قعد
لي ثلاث سنين والنوم في عيني ماساج
كني اللي شدوا قياده بحبل مسد
كل عين ماتعلى على فوق الحجاج
ومن يفكر فالحياه الصعيبه مارقد
انتثر ف الارض دمع غدى كنه هجاج
سبة اللي لاشكى مالقى له من سند




وسلامتكم