الشام تشكي ياهل الدين والشان ..!

[ابراهيم المغامس]

ابيات بسيطة فاضت بها قريحتي تجاه أخواننا الاحرار في سوريا نصرهم الله بنصره عاجلاً غير آآجل :



ياقلب ياللي في / مورايك الاحزان
اصبر وصابر .. ياعسا ربك ايعين
لو العمر طول ” ولا خاطرك زان
عل الليالي القادمه .. تحمل الزين
لو الغبينة [ شامنا ] يومها شان
'تصبح' على قتل 'وتمسي' على بين
مدت يديها .. تبغي اعراضها اتصان
ولا لقت صوتٍ .. يلبيه للحين
[ الشام ] تشكي ياهل الدين والشان
وحنا على شوف المشاهد / موفين
نملك من القوة [ جنودن ونيران .. ]
لكن فقدنا ..، خوة العرف والدين
يوم العرب قد غرها عدة ( الوان )
غزوٍ غزانا وبانت افعاله الحين ..
صرنا نخاف انفل .. لو ديننا هان
وصرنا نخاف / الروس والفرس والصين
من عقب ماكنا ..على قوة ايمان ..!
نسطي ونُقتل .. في حمى راية الدين
والحين صار الحال .. خذلٍ ونكران
لونا على شرعه / عبادٍ امصلين ..!
يالله عفوك والرضا منك غفران ../
ويالله نصرك ،، للثكالا المساكين ..!

صوتية / [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( ابراهيم بن سعد المغامس )

 

 

 

 

 

 

 

 

[الماسـه]

مآشآء الله قصيدهـ رآئعة
صح لسآنك ابراهيم
والله ينصر اخوآننآ في سوريه يارب

[خالد العبيريد]

ياهلا ياهلا حيااك الله شاعرنا العذب ابرااهيم المغامس ,,

صح الله لساانك وصح قلبك وكلك ولاهنت على هذى المشاعر التي تكلم عن مشاعر الجميع ,,

اسئل من الله ان ينصر اخواننا في سوريا وفي كل مكان وينصر الدين على كافة بقاع الارض ,,

كل شكري وتقديري لك ابراهيم بارك الله فيك .

[فهد الهباش]

أسأل الله بنصر مؤزر لاخواننا عاجلا غيرآجل..
مشآعر جميله تجآه أخواننا ، والله يسمع دعائنا في هذه الساعة المستجاب فيها للدعاء امين يارب..

صح لسانك دائما مبدع يا إبراهيم!

[سعيد محمد القحطاني]

صح لسانك اخوي ابراهيم
والله يعين المستضعفين من الشيوخ والأطفال والنساء في
كل مكان تحياتي وصادق ودي ولاهنت

[عبدالله السناني]

الله يبيض وجهك وصح لسانك , ابيات لامست منها انها كتبتها من صميم الذات ,
وحنا معك يّ إبراهيم , بس العين بصيره واليد قصيره

صح لسانك مدد بلا عدد اشهد لله انك وافي وجزل
وصرنا نخاف / الروس والفرس والصين
من عقب ماكنا ..على قوة ايمان ..!

عجبني هذا البيت لو كانت كل القصيده جميله

[أنا ماأقدر أكون إلا أنا]

[ الشام ] تشكي ياهل الدين والشان
وحنا على شوف المشاهد / موفين

أبــدعتــ؛؛؛

[غِـزلإْإْإْن]

عسسسىآإْ آلله يؤرينإْ فيًه بشِإْر =@
[ آن الله يمهًل ولآ يهممممل ]
آللهٍم عجُل في نصرة آخوآننإْ فيً سؤريإْ
صصصصح لسْإنك يً بعديً
لآإْ تحرمنإْ جديدًك

[ابراهيم المغامس]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فهد الهباش]

القاء جميل ورائع تسلم من جد ابراهيم
الله يحفظك ويرعاك يارب