كنت اتحرى موتة الكلب بشار ..!

[الودعااني]

ضاقت علينا الدار وحنا هل الدار
فرقى النوايف صعب فرقى النوايف




طاح الجمل كثرة سكاكين الإنذار
وهذي رسالة لكل مسؤل شايف

ويا والي الأقدار لطفك بالأقدار
مؤمن ولكني على الدين خايف

كنت اتحرى موتة الكلب بشار
بس إنصدمت بموتة الحر نايف

القوة الأمنية ودرع جبار
مع ناصر السنه زهت له وصايف

حارب هل الإرهاب مع سود الأفكار
وناصح عقول ٍ شتته نهج زايف

وحزب العجم شبوا وسط صورتة نار
وداسو على صورة كريم ٍ ونايف

وبأرض القطيف العار بصمة هل العار
شر الطوايف لعن أبوها طوايف

وماردنا عنهم سوى الوالد البار
هذاك ابو متعب ونعم الخلايف

وحشمه لبو متعب سكت كل الأحرار
وطبع الحرار تشوم عن هالجوايف

والله يلو يشر لنا تشوف الإعصار
ونروي ضمانا بالسيوف الرهايف

دون العقيدة والوطن نرخص أعمار
حنا حماة الدار من كل حايف

حنا لها مثل الطنايا للسنجار
ضد الفتن حنا الكفن والحسايف

حنا سفير الموت ننذر به إجهار
للند ضد وللموالي مضايف

ومرحوم يا نايف عسى الجنه الدار
وإن غاب نايف كلنا صقور نايف

الشاعر : حمود بن نافع الراكان الشمري

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه