نقدر نجامل لين نكسر عناء الصمت

[هياف السبيعي]

اسعد الله اوقاتكم بالخير
هذا نص جديد جداً وبيني وبينكم يعتبر كيبوردي
اتمنى ان يحوز على رضاكم



[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] نقدر نجامل لين نكسر عناء الصمت=لكن مايفنى الفتى دون يومه
احيان يجبرك الزمن تبني الكمت=في وسط صدرك بين لومه ولومه
خذ ماتيسر لك ولاتشكي الحمت=الحمت قدمك بالقبر لاتشومه
احسن من الدنيا امانك ليا نمت=زرع الزمن لاتطرده وش لزومه؟
لاتبدي اسرارك على اللاش لاضمت=يفرح بجرحك لاتبين وسومه
والحاجه القشراء ترى افضل ليا شمت=لان العطيه دون من أمعدومه
وسد اللزوم اللي على واجبه قمت=لاتترك الشرهه تجيلك خصومه
وتراك ميت لوتدوم انت مادمت=غير ازرع المعروف قدمك ترومه
وكثر الخطاء لوماً عليك انت لالمت=لم نفسك اللي للخطايا زحومه
ودرب المعزه فوق وان كان ماهمت=يمه ترى مافيه ناساً رحومه
وكثر الكلام ايعيب واحسن ليا صمت=عن السوالف بين قعده وقومه
وان كان رمت اللي تبي انت مارمت=دومه صعيباً لافنى ماترومه
لاتشتري علتك بريالك ان سمت=اعرف مدار الوقت ليله ويومه
بعض السلع عله وياقربها زمت=ويامن شراء من حر ماله سهومه
الحر يعرف موكره لادني الشمت=صعباً تلاق بموكره فرخ بومه[/poem]

محبكم هياف السبيعي