ياسالفة عمري ترى الليل مستور

[هياف السبيعي]

مساء الشعر والإحساس هذا نص يعتبر من الجديد اتمنى ان يحوز على رضاكم

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياسالفة عمري ترى الليل مستور=والصبح لاشرع ضياه انتهينا
يكفي اشوف القلب ضايق ومقهور=ويكفي حطام الوقت سبة يدينا
حدب الضلوع العوج تشكي من الجور=وانتي وانا نضحك نقول اش علينا؟
لالا فديتك كافي اوجاع وأحرور=وكافي تهدم كل صرحاً بنينا
مدة سنين العمر بإخلاصها زور=وأنتي وانا في مامظى ماعطينا
كل مابديت الشور خالفتي الشور=كنك تبين الوقت يكتف يدينا
النور ياضيه طفا بضيه النور=وحنا على ضوح البدر ماسرينا
اشتاقلك وارجع على حالي اكدور=عل وعسى القا فيك شوق وحنينا
واليوم شفته كيف لافاح تنور=وسط الحنايا عقب جرح السنينا
ايه اشتكي بالحيل ماني بمسرور=كذا تطول السالفه لابدينا
ماأقول مااحبك ولاالف وادور=لكنها الشكوى علينا شكينا
وحتى جمالك لو بعيني كما الحور=قبل التلاقي فوق رجماً عوينا
خلاص اما لا وأقول انت معذور=ولا من اعيوني بعد ماظمينا
شينه تحرى انسان فيه انت مجبور=ويصد وينسى والعذر مادرينا
[/poem]

اخوكم هياف السبيعي

 

 

 

 

 

 

 

 

[هوى الغربي]

صح السانك اخوي هياف مبطي عنا ومابطى من جا
قصيده جميله من شاعر جميل اتحفتنا صح الله لسانك
لاهنت

[خالد العبيريد]

الشاعر المبدع هياف السبيعي حيااك الله ياهلا وغلا ,,

صح الله لساانك وصح قلبك وكلك دايم معهود بهذى الجزاله ماشاء الله تبارك الله انت شاعر جزل بمعنى الكلمه ,,

خالص متابعتي لما تقدم وكل شكري وتقديري يالشاعر الفذ .

[عامر صالح ال شنيف]

هيااااف السبيعي
صح الله الساانك وعتلا شااانك
نص رااقي وجزل يا الجزل وشاااعرية متمكينه
لاهنت على هالحضووور الابداعي
تقبل مروري المتواااضع

[موسى ابومشهور]

رائع رائع رائع ياهياف شاعرمتمكن لافض فوك

[محمد الشريف]

صح الله لسانك ياهياف والله ابداع لاهنت لاهنت
ياسالفـة عمـري تـرى اللـيـل مسـتـور**والـصـبـح لاشــــرع ضــيــاه انتـهـيـنـا
هذا ^**لحاله قصيده...

[عامر عيسى أحمد القميري]

هياف السبيعي


نص جميل جداً أعجبني كل بيت في القصيدة

تحياتي

[ترانيم المطر]

الله الله الله
ما شاء الله عليك لا غرابه إذا أتى الإبداع من مبدع
أخونا هياف لقد إرتويت شعرا هذا المساء
لله درك ولنا دررك
تقبل من التحيه أغلاها ودمت بود
ترانيم المطر

[مشاعر مجروحه]

هياااف شاعر متمكن وصح الله لسانك
لاهنت بيض الله وجهك

[هياف السبيعي]

(هوى الغربي و خالد العبيريد و عمر صالح ال شنيف و موسى ابو مشهور و محمد الشريف و عامر عيسى احمد القميري و ترانيم المطر و مشاعر مجروحه )
اشكركم جزيل الشكر ويعلم الله ان كلمة شكراً قليله في حقكم شرفتوا ولاكلفتوا والله لايهينكم

تحياتي لكم