اقرا من الشعر

[الرايق]

بسم الله الرحمن الرحيم
اقرا من الشعر ابياتن اغنيها
اوزن اشعاري واظبط الحاني
ساعات امشيها وساعات اخليها
على طاروق اللعب وتركي الميزاني
اون ونات واغلف معانيها
على لحون الشعر ارفع قيفاني
واخبار العرب كل يوم نبكيها
من ساحل الشام الى ساحل عماني
ناسن تمدحني وانا افتخر فيها
وناسن تتطولني ولاتعداني
دروب مظلمه لابد نمشيها
لابد نفرح ولابد بنعاني

 

 

 

 

 

 

 

 

[خالد العبيريد]

حياك الله الرايق ,,

صح الله لسانك وصح كلك ولاهنت وراجع الابيات ياغالي ,,

شكري وتقديري لك .

[الرايق]

اقتباس المشاركة الأصلية كتبت بواسطة خالد العبيريد حياك الله الرايق ,, صح الله لسانك وصح كلك ولاهنت وراجع الابيات ياغالي ,, شكري وتقديري لك .

انت تتكلم على ويش بالظبط وحدد وانا ماقلتلك قصيدي مافيه شي وكامل كل شي لازم ماهوب بكامل واللي بينتقد يوضح ارجع ويش بالظبط حدد البيت حدد اللي بتقوله عشان اللي كاتب القصيدة يفهم والاعضاء يفهمون وصح بدنك ولاهنت

[ترانيم المطر]

حياك يالرايق
وش يعدل خالد وش يخلي هذي ماهي قصيده طال عمرك هذي صفصفة حكي صح لسانك عليه
وإقرا كثير ومع الوقت تتعلم كلنا كنا مثلك
تحياتي ترانيم

[الرايق]

اقتباس المشاركة الأصلية كتبت بواسطة ترانيم المطر حياك يالرايق وش يعدل خالد وش يخلي هذي ماهي قصيده طال عمرك هذي صفصفة حكي صح لسانك عليه وإقرا كثير ومع الوقت تتعلم كلنا كنا مثلك تحياتي ترانيم

انا يقهرني اذ جا شاعر او شااعره ويسوي نفسه استاذ وناقد في الشعر وثاني شي ويش صفصفه كلام الناس اذواق لكن بااحترام يكون الانتقاد