صوت وصدى سعيد القحطاني وعبدالله العتيبي

[سعيد محمد القحطاني]

بسم الله الرحمن الرحيم
هذاه ألقصيده وجهتها للشاعر عبدالله بن دخيل
الروقي العتيبي


مرحبا بالشاعر اللي ينومسني نباه
"""""""فارضٍ شعره وشخصيته عند الجميع
شاعر من روس قوم لهم قدرن وجاه
""""""""""الفخر والمدح ياتي لهم مع كل ريع
ياصحيبي لاتحاكيت عطني الانتباه
""""""""وستمع ماقول والله على خلقه طليع
والله اني مافعل الطيب وادورجزاه
"""""""والجمايل عند روس الحمايل ماتضيع
مدها واشدها والله الله ماسواه
"""""""""""مابعد طه رسول ولاغيره شفيع
الفضا مفتوح والحر يكفخ في سماه
"""""""واللسعد فالي وفالك وحلم الله وسيع
لاتضايق دام راسي على قيد الحياه
"""""اعتبرك الشيخ شالح وانا اخوك الفديع
وصلتك وعفاك والعلم ياصل منتهاه
"""""من جهازي لا جهازك على النت السريع


وهذا رد عبدالله بن دخيل الروقي







البقا بك عدّ ما سيّـل الرايـح صفـاه
...............وعدّ ما فاح الزهر مع مداخيل الربيـع
الرجال تْبين لا بـانت رْمـاح الغـزاه
...............لوّ رمْح الموت يقْبل تخمّه كالرضيـع
مثل ما قام الفديـع بْسواتـه بالوغـاه
...............رغم عينه ما ترى طاب شوفه بالصنيع
قابل القوم مْتناسي غثـا شـدّة عمـاه
...............وافتدى ربعه براسه وضحّابه صريـع
يا سعيد الطايله مـا تجاكـر للوطـاه
...............وانت خابر والمراجل بها شانك ضليع
البعَضْ ما همّني مقْدمه يسـوى قفـاه
...............وانت لا والله تفرق نجومك بالسطيـع
حكمتك تخجل وصال الحروف بْملتقاه
...............والحشيمه والقدر في غيابك مـا تميـع
والنبا لامن بغيت النبـا فـي مبتغـاه
...............ما يقنّد رغبتي غير شوفـك يالمنيـع

 

 

 

 

 

 

 

 

توقيع : سعيد محمد القحطاني

  __༼࿄ཽ༽__ཬ་⌒་ར__༼࿄ཽ༽__ اللهم إن شوقنا لشهرك قد زاد فيارب لا تحرمنا وأحبتنا من صيامه وقيامه .. أجاب الله لكم الدعاء وأبعد عنكم البلاء ورفع شأنكم في الأرض والسماء .. مبارك عليكم الشهر كل عام وانتم بخير  اعضاء لهم وحشه (سلطان المري) (جابر اليامي) سعيد محمد القحطاني

---

التعديل الأخير تم بواسطة سعيد محمد القحطاني ; 12-22-2011 الساعة 03:24 AM سبب آخر: ا

[الماسـه]

صــــح لسآنك سعيد
ماشاءالله مبدع وربي
وكل قصائدك رووووعه

ويشرفني اكوووون من متابعيك
الله يحفظك يارب

وإن شاء الله ماخربت بالرد

[سعيد محمد القحطاني]

اقتباس المشاركة الأصلية كتبت بواسطة الماسـه صــــح لسآنك سعيد ماشاءالله مبدع وربي وكل قصائدك رووووعه ويشرفني اكوووون من متابعيك الله يحفظك يارب وإن شاء الله ماخربت بالرد

لا وش الدعوى عمرك ماخربتي
على حد وصح الله بدنك وعادتك بالطيب سباقه
ي اخت الماسه الف شكر على خضوركوكلامك
الجزل تقبلي تحيات واتقدير اخوك سعيد ولاهنتي

[فهد الهباش]

ارحب يا سعيد ، منور القسم
باهالصوت والصدى الرائع ،
صح الله لسانك ، وصح الله لسان ابن دخيل ،

اشهد بالله ، انكم فحول شعر ،،

اطيب التحيات والتقدير لشخصك الكريم ،
والتحية موصولة لابن دخيل ،،،

[سعيد محمد القحطاني]

اقتباس المشاركة الأصلية كتبت بواسطة فهد الهباش ارحب يا سعيد ، منور القسم باهالصوت والصدى الرائع ، صح الله لسانك ، وصح الله لسان ابن دخيل ، اشهد بالله ، انكم فحول شعر ،، اطيب التحيات والتقدير لشخصك الكريم ، والتحية موصولة لابن دخيل ،،،

تحيا واتدوم وعساك حي وغني ي راعي التراحيب
والنور من نورك عساني ماذوق حزنك فعلا اخي
بن دخيل شاعر كبير وانا لازلت في بداية الطريق
وتكفيني شهادة مثلك وشرواك الف شكر ولاهنت

[عزاام]

... صحت السنتكم ..

شعراء رائعين كفو والله ...

[سعيد محمد القحطاني]

اقتباس المشاركة الأصلية كتبت بواسطة سااري ... صحت السنتكم .. شعراء رائعين كفو والله ...

يبعد عيني ي اخي ساري ماعليك زود
وياغالي وحضورك اروع عساك تدوم
الف شكر تحيتي والاهنت

[غراااام نجد]

صح لساانك سعيد ويسلم منطوقك يالغلا

ابدعت فتألقت .. لك ودي ..

[سعيد محمد القحطاني]

اقتباس المشاركة الأصلية كتبت بواسطة غراااام نجد صح لساانك سعيد ويسلم منطوقك يالغلا ابدعت فتألقت .. لك ودي ..

ياهلأ وغلأ ي غراااام نجد ي بنت ساس الجود المجد
صح بدنك وكلك ياغاليه الف شكر ع الحضور
والكلام الجزل حفظك الله ورعاك تحياتي
واتقديري والاااااااهنتي

[مشاعر مجروحه]

مشاء الله تبارك الله
اثنينكم مبدعين
من الشعراء المميزين
تسلمون جميع لاهنتو