الشاعرجارالله آلشدي يهدي أسيل عمرآن وخآلد قصيدة لاذعـﮧْ

[مميز خلقه]

يا خالد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]لك اليوم تقرير

بلسان شاعر كل منبر يديره

شاعر فحل صنديد زيزيوم ويغيير

ويوسّم اللي ماله اليوم غيره

منهو زعل بقول له خير ياطير

ومنهو سكت بقول له ألف خيره

السر أول يندفن دآخل البير

واليوم سر الناس في كل ديره

ولد الحلال بجنب سيد الغنادير

دلوعةٍ بلها وباقي صغيره

أسيل يا خالد أذا منت ببصير

شوف الرجال عيونهم لك بصيره

منت بفحلها والفحل واردٍ خير

ولا انت خلّك ثور وسط الحضيره

هذا كلام الصدق من غير تفسير

ومنهو بغا التفسير يبشر بثيره

في شاشة التلفاز عرض التصاوير

ضم وشفايف مع علومٍ مثيره

والأمعه يضحك ولا كن به طير

يطلع ويكفخ كل ما شاف طيره

يا خالد اسمع .. حط بيدك مناكير

وأشرب مع اللي ما يحسون بيره

لن الرجوله مبعده عنك يا صغير

ما حاكتك سود الليال المريره

ياقاف لا تبخل وهل التفاكير

هذي رساله والأمر بستديره

في هالزمن مابه رجالٍ مناعير

والعز رايح لا والله يجيره

صار الرجل ينقاد قود المصاغير

يمشي ولا يعرف نهاية مصيره

ماهو رجل ..منظر على قولة سبير

وقف .. تعال .. أجلس وملعون صيره

شي اشوفه عكس ومخالف السير

عينٍ بصيره لا وإيدٍ قصيره

مره أشوف الشين ماله تفاسير

ومره تحس الرجْل جمر وسعيره

ماعاد به غيره وراس بزعاطير

به أمّعه واللي تديره مديره

أقولها والصوت صوتٍ به إزْئير

روّح زمان أهل السيوف الشطيره

من هول ما شفته اشوف التعازير

عادي يجي هذا بجانب سميره

وعادي يسبب لبسها لك جماهير

عصر التفتح والعلوم الحقيره

صار ت علوم المرجله بالزمن غير

لا لا تغار وعكّس السير سيره

لا لا تغار ودمّر الستر تدمير

ياخي تفتح .. أسمع اللي بثير ه

حنا بزمن أفتح بفتح الأزارير

عصر التخلف وش تبي تستثيره

خلك طبيعي وأستبيح المعاذير

نضف دماغك لا ولا تستشيره

أكثر وسايل هالثقه جات توفير

دام إن علوم المهزله مستنيره

واللي زعل بقول له خير ياطير

ومنهو سكت بقول له ألف خيره

 

 

 

 

 

 

 

 

[العيون السود]

أقولها والصوت صوتٍ به إزْئير
روّح زمان أهل السيوف الشطيره
صح الله لسان الشاعر جار الله الشدي ولاهنت على النقل
شكري واحترامي

[جروح وتروح]

منت بفحلها والفحل واردٍ خير

ولا انت خلّك ثور وسط الحضيرهـ

وهو صاااادق وربي جابها ع الجرح

صح لسانهـ الووف

وتسلم يمينك مميز على هيك نقلهـ

[البرنس السعودي]

واللي زعل بقول له خير ياطير

ومنهو سكت بقول له ألف خيره

صح لسان الشاعر ولاهنت على النقل

كل هالكلام كنه طالع من قلبي والله

يعطيك العافيه تحياااااااااتي

[مميز خلقه]

العيوون السود


اشكرك ع التواجد غاليتي

لاهنتي

[مميز خلقه]

ياهلا وغلا بجرووح


منوره غاليتي

لاهنتي ع التواجد

[مميز خلقه]

البرنس


اشكرك ع المرور

[ســاري]

وربي هذا الكلام الي يجمد على الشارب
وهذاك الخبل وربي مافيه ذرة رجووووووله

الله يرحم الحال بس

[ناصر الشريف]

مميز خلفيه تسلم ولا هنت على النقل الجميل

لا تحرمنا من هذا الذوق الرائع اخي العزيز


تقبل تحياتي وخالص تقديري

[مميز خلقه]

شاعر ههههههههه


لاهنت ع المرور