الشاعر ,, يحيى الاسيود // قصيده ياليت يرجع

[يحيى الأسيود]

بسم الله الرحمن الرحيم


السلام عليكم ورحمه الله وبركاته ,,,


اقدم لكم اليوم جديدي عسى انه يوفي ذائقتكم ,,


بعنـوان (( ياليت يرجع ))


اقوووول فيها



ابدى وانا شاعر وشعري طايب
يبري قلوبن بالحزن مطويه

انقى جزيله ماتنقى خايب
وبيوت شعري كلها منقيه

تطرب صغيرن لا وتطرب شايب
لاني كتبته والصور شعريه

كل السبايب من وليفن غايب
ابطى وقلبي صاح من خافيه

ماله شبيه ولا يسده نايب
قلبي مولع فيه من هو زيه

مشتاق له حيل وخفوقي تايب
وبداخله نارن عسيره حيه

ياليت يرجع لي تراني ذايب
او دايمن فكري معى ماضيه

يومه بذاك الوقت حبنا صايب
قلبي معى قلبه وصافي ليه

واليوم كن الحب صاير عايب
مافيه صادق لا ولا وافيه

هذا زمان الجرح مابه طايب
والناس به تمشي ورى ماديه


وسلامتكم

 

 

 

 

 

 

 

 

توقيع : يحيى الأسيود

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ