زماااااان

[ناصر الشريف]

[poem=font="simplified arabic,6,blue,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
سموم القيض تشبه نفحت الهاجوس=اذا ما كان به شاعر يرتبها

ودمعات الهوان اللي بلا ناموس=حرام اني عن دروبي لشطبها

واخلي للبصيره نور كالفانوس=معى عتم الليالي ما تغت بها

واسطر ذكريات العاشق المنحوس=على لوح المشاعر قمت اكتبها

والخبط معجمي واغير القاموس=واعاتب ذكرياتي قبل اغربها

طريق اهل المحبه فيه كم ملحوس=فقد عقله وعينه ما يعتبها

على غير الحبيب اللي خذ المحسوس=وفيه احلى المشاعر قمت اقلبها

اساجم له معانيها بدون دروس=وابعدها لجل عينه واقربها

لو اغير معاانيها بدون حسوس=توجه له ركايبها وانجبها

لها عينٍ تخدر من حلاها الروس=وتدمنها واذا غابت تندبها

وورد خدودها يضرب له الناقوس=وتحسيناتها ما عدت احسبها

اويلي كل ما شرق علي نسنوس=لها جزل القوافي قمت اهذبها

خذت عقلي وقلبي لجلها ملموس=وروحي في هواها قمت اشعبها

لها قلب العنى عشق بدون تروس=وجنزير الغلا هرول ونط بها

لو ان في جوف صدري والفواد جروس=غدت كل العرب تسمع تعذبها

ولكني يتيم بحسي المغروس=بنفسٍ قمت اقعرها واحدبها

زمان احسب ان تقريبها ملموس=تضاريس الحشى له قمت انقبها

وذلحين اتضح لي بانها كابوس=وصدري ذيبه العاوي يقنبها
[/poem]

 

 

 

 

 

 

 

 

[سعيد محمد القحطاني]

صح الله لسانك ي ناصر
ماتغير شي الا ان الابداع ان زاد ولا مانقص
تقبل تحيات اخوك سعيد مع السلامه

[يحيى الأسيود]

واسطر ذكريات العاشق المنحوس

على لوح المشاعر قمت اكتبها

اخوي الكريم ناصـر . الصوره بهـذا البيت شدني كثير

صح لسانك

ويعطيك العافيه على الابداع

[أمير الشريف]

كما قال اخي سعيد تماما
صح الله لسانك

[فهد الهباش]

صح لسانك يا ناصر
مبدع كالعادة

[ناصر الشريف]

اخي العزيز سعيد محمد صح بدنك لا هنت على المرور الجميل

والله يسلمك على كل حال تقبل تحياتي وخالص تقديري

[مجازفف]

شكرا يامبدع ...

[الجادل الرعب وب]

صح الله لسانك ولسسسانك صحيح
لا فض فوك""

[الجادل الرعب وب]

صح الله لسانك ولسسسانك صحيح
لا فض فوك""

[ناصر الشريف]

يحي الاسيود صح بدنك

ولا هنت على المرور الجميل تقبل تحياتي وخالص تقديري