الحزن ماله بعض الاحيان , تفسير

[بـنت أبـوي]

...







الحزن ماله بعض الاحيان , تفسير</b>
. . . . . . حتى ولو يترك بوجهك .. علامه</b>

يلي تعبت .. إمن الجفا و المعاذير !</b>
. . . . . . مثلك كبيره طيحته , و إنهزامه !</b>

هذا انت تقطع للطموح .. المشاوير</b>
. . . . . . وتذّب هامه ثم تطمح .. ل/هامه</b>

لا تقول حزنك غير , قل طيحتك غير !</b>
. . . . . . وإكسر خضوعك .. بالصبر و إبتسامه !</b>

وإليا ظميت , وما بقا للصبر .. بير !</b>
. . . . . . إرسم على حد الرجاوي .. غمامه !</b>

بتشوف في رمضى زمانك , تباشير</b>
. . . . . . وبتطير من غصن الأماني .. حمامه</b>

عيش إ/متفائل و إعرف ان ربك كبير</b>
. . . . . . ما ظام منهو , جاير الوقت .. ظامه</b>

على الأقل , صبرك على الحزن تكفير !</b>
. . . . . . عن ذنب معمي , عين قلبك ظلامه !</b>

وكذاب قايل .. دنيَتك ما بها خير !</b>
. . . . . . { لله حكمه , في تصرف أنامه }</b>

عشنا بذالدنيا , و نبقا مسايير !</b>
. . . . . . وكل ٍ بيحصد , مازرع من أثامه !</b>

و عمر البنادم , حتى لو يبطي قصير</b>
. . . . . . و يعيش له ذكره .. و تدفنْه خامه !</b>

و أنا .. يلو كثِرت علّي المخاسير</b>
. . . . . . يكفي ضميري , ما خسرت إحترامه !</b>

ومدري وش صار , أو ويش بيصير !</b>
. . . . . . تايه , على حد الأمل .. و إنعدامه</b>

تصدق لي الدمعه , ليا خان تعبير</b>
. . . . . . و إليا تباطا , جفن عيني .. منامه !</b>

ويضيع بالي .. بين سجّه و تفكير</b>
. . . . . . ولا كسبت .. إلا التعب , و إهتمامه</b>

ويلعب بي الغربي , ليا ذعذع عصير</b>
. . . . . . و أفقد خفوقي .. لا سرابه هيامه !</b>

ياوين ابلقا .. ي/ آخر الصد تبرير !</b>
. . . . . . للي ترك , في خد الأيام .. شامه !</b>

اقفا و قصّر بي .. ولا جاه تقصير</b>
. . . . . . وشلون حتى .. باخل ٍ بي سلامه !</b>

لاشك , يبقا له معزّه و تقدير</b>
. . . . . . و ما زال , ذا قدره .. و هذا مقامه</b>

و يا صاحبي , لو إخذلتْك المقادير</b>
. . . . . . لا تنكسر , لو كان .. مابه سلامه</b>

شفني خسرت كثير و كثير و كثير !</b>
. . . . . . ومازلت أعيش .. و راس مالي كرامه !</b>

 

 

 

 

 

 

 

 

توقيع : بـنت أبـوي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] *استغفراللّه

[غراااام نجد]

الحزن ماله بعض الاحيان , تفسير</b>
. . . . . . حتى ولو يترك بوجهك .. علامه</

صح لسااااان شاااعرها ولاهنتي ع الطرح الطيب

وربي يعطيييك العافيه ..

لك ودي ..

[بـنت أبـوي]

اقتباس المشاركة الأصلية كتبت بواسطة غراااام نجد الحزن ماله بعض الاحيان , تفسير</b> . . . . . . حتى ولو يترك بوجهك .. علامه</ صح لسااااان شاااعرها ولاهنتي ع الطرح الطيب وربي يعطيييك العافيه .. لك ودي ..

الله يعآفيك
منوورهـ يالغآليه

[رمق]

اقتباس شفني خسرت كثير و كثير و كثير ! . . . . . . ومازلت أعيش .. و راس مالي كرامه !

سلمتــي ع هالذائقه الجميلـه

[عاليه]

قمه
بكل ماتعنيه الكلمه
راقت لي حيييل
حيييل
شكرالك يالغلا

[هداج]

صح لسان شاعرها وسلمت يمينك على النقل الراااائع
تحياتي لك

[ـالرايق]

صح اختيارك
كلمات راقت لي
كل الود

[احساس شاعر&]

صح لسان قايلها وتسلم يمينك على الطرح الرائع والمتميز
راقيه بذوقك الرفيع
لكي ود ي واحتــرام وتقديري

[الع ـابــر]

الله الله


للآمآنه اعشق هذه القصيده ، و أختيآرك لهآ دليل ع علو ذآئقتك ،


مميزه ، لا تحرمينآ جديدك ،

[بـنت أبـوي]

اقتباس المشاركة الأصلية كتبت بواسطة رمق سلمتــي ع هالذائقه الجميلـه

الله يسلمك يالغلآ

نورتي ..