قالت ترى منت بحلو قلت رجال.**.والزين ماهو من شروط الرجوله

[الصاملهـ]

قالت ترى مانت بحلو قلـت رجـال = والزين ماهو من شروط الرجولـه

الزين يلقى عنـد لباسـة الشـال = والرجل زين ان كان زانت فعولـة

قالت علامك تلبس شمـاغ وعقـال = انت بدوي قلت بدوي من حمولـه

ما البس بناطيل لها الوان واشكـال = وأمتر الشـارع بعرضـه وطولـه

قالت اجـل راعـي معاميـل ودلأل =وشرب القهاوي تحسبونه بطولـه

قلت اسمعيني وفهمي كـل اٌلاقـوال = تمعني في كـل حـرف(ن) بقولـه

كيفي يابنت الحضر دلـه وفنجـال = وحليب خلفه في المـراح امعقولـه

حب الكرم والجود وعلوم الابطـال = مغروس فينا من زمـان الطفولـه

قالت ترى بنت البدو حضهـا مال = قلت اعقبي حذرى تكوني جهولـه

بنت البدو يابنت مضـرب للامثـال = غير الجمال وطاعـه الله خجولـه

زينه على كـل المزاييـن تختـال = مثل القمر ينشاف ماحد(ن) يطولـه

ماحطت اصباغ(ن)ولا حطت اضلال = ولاسيرت في السوق سير امهبوله

ماتنخدع في كـل ماكـر ومحتـال = اللي لهم في السوق صوله وجولـه

تحمى شرفها خوفت القيل والقـال = درب الدنس والشين ماهي بحولـه

ريميت(ن) ماصادهـا كـل ختـال = حتى من انسـام الهبايـب جفولـه

هي مهرت(ن) تصعب على كل خيال = وانتي ومثلك عسفهـن بالسهولـه

قالت تغزل بي وشف حبت الخـا ل = ناضر عيوني والرموش الكسولـه

وانضر جديل(ن) فوق الامتان ميال = ومبسم(ن) يعجبـك تنضيـم لولـه

قلت العفو مايستوي زيـن وهبـا ل = واللي تبينه شي يصعـب حصولـه

قلتي وقلت وكلمت الحــق تنقـال = الزين ماهو من شروط الرجولــه

للشاعر/مرزوق بن غازي المحمادي السلمي

 

 

 

 

 

 

 

 

توقيع : الصاملهـ