((الى متى وانت تنشدهم عن اخباري .. والى متى والضمير يعيش وحداني ))

[بنت الروقه]

البارحه يا حبيبي جيت لك ساري
أتعبني الشوق والتفكير سراني

وأتعبني الهم والهاجوس والطاري
يعني بليت الهــوى مدري تبـــلاني

بس الأكيد أنك اللي تعرف أسراري
أخفي عن الغير وأنت تجيك مجاني

إلى متى وأنت تنشدهم عن أخباري
وإلى متى والضمير يعيش وحداني

ما دام حضرت جنابك رسمت أفكاري
برسم عناقيد حبك وسط بستاني

يا قافية حبي الموزون فاشعاري
يا ملهمة فكري الذواق والحاني

لو يقرب الدار يا سلواي من داري
ما كان دمع الفراق يفرق أوجاني

لو تصبح أميال بعدك بضعت أمتاري
ما شفت جمر الخفوق بشوق يصلاني

بس الهوى يحكم العشاق وإجباري
نصبر مخافت كلام فلان وفلاني

وإن صار جمهور عشق وطاقم إيداري
وأعضاء رئاسه وكل(ن) يخلف الثاني

وتنافس الحب والفرقا طلع ناري
فــ خذ الصراحه وسجلها من لساني

إن الزمن لو يجفف كتبت أحباري
ما جف دمك من عروقي وشرياني

 

 

 

 

 

 

 

 

توقيع : بنت الروقه

اهْرَبّ مَنْ الّذَكرَىٰ وَاعَوّد إلَيهآ ......................كَلّ الّدرَوْبّ لْذّكرايآتَكّ تّؤدْيٰ آخَافّ لاَفّقَدْهَآ وآخآفّ آنْتَهِيهَآ ..................آعَيِشّ وَالّذكْرىٰ صرَآع وتَحّديٰ