ماهي غريبه ياحمد ... للشاعر حمد بن فطيس المري

[مركاز]

ماهي غريبه ياحمد.... الاصل يرجع للجذور
الشعب هاليوم اتحد ...... عاده على مر العصور
صحيح من جد وجد ..... وانته بذرة اغلى الزهور
العذل ما ماليت احد ...... عالي مقام ٍ لا غرور
بين الدول مجدك صعد ..... مديت للدوله جسور
من قام في دربك قعد.... حرٍ تحاشاه الطيور
بالطيب ذكرك للابد.... باقي الى يوم النشور
عضدك ولين ٍ للعهد.... اللي على الديره غيور
طيرٍ من طيور السعد .... صقر ٍ تسلسل من صقور
كريم ياذخر وسند .... للشعب في كل الامور
ياشيوخنا حان الوعد ... نوفي لكم لو بالشعور
خليتو الشعب برغد ... والله يبور بمن يبور
هذي قطر فيها انولد .... حب التميز والظهور
عسا الحيا وبل وبرد .... ينشي من القبله حدور
في مقدمه برق ورعد ... وانهايته سيل وسرور
على قطر شعب وبلد ... من خور خور لزور زور
نفرح على غم الحسد ... وتزين الدور النشور







الشاعر حمد بن فطيس المري