عودة بعد جفاء مغصوب عليه ..

[عبدالرحمن بن عبدالمحسن]

بسم الله الرحمن الرحيم
السلام عليكم ورحمة الله وبركاته :..
إعذروني .. كلمة تكررت مني كثير
مسيتم بالخير .. قصيدة بعد البطا اللي خارج إرادتي لكن والله ما نسيت طاريكم ولا قويت اخليكم ..

فرصةٍ من زمان وكل ما قلت حانت .. جات مدري وش اللي جاء لها جات عجله
مع هنوف ركايبها ابد ما توانت .. لاجل حبي وأنا لو كلف الروح لأجــــــــــله
ما ذخرت الحياة اللي دخلها وزانت .. صاحبٍ يتعب الخفاق سلهام نجلــــــه
في هواها عداوات أقرب الناس بانت .. وخنجر الغدر حطت بين الاضلاع هجله
فلذة العمر لا صرفت على الحق عانت ..وإن همت فالقلوب لخالق الكون عجله
دون روس القمم ذرعان ناسٍ تدانت .. به يمينٍ ضعيفة حيل ويمين خجله
والعزوم القويه لو تردت وشانت .. يثني الحاضر لتاريخها عقل رجله
وكل قومٍ فقير ساسها لو تغانت .. عمر ابو حجل لو غيّر يعوّد لحجله
فالعقاب إن خطفها عقب ما ألفت ومانت .. والله إن افرح لها كثر ما بأبتهج له
وطلقة الحظ لا ثارت تجي وين كانت .. ما نقص للفرات يكمله نهر دجله


وسلامتكم جميع .. وإن شاء الله تواصلنا اكثر

 

 

 

 

 

 

 

 

توقيع : عبدالرحمن بن عبدالمحسن

أقسى كلامي لك رجاء .. وأعذب كلامك لي جروح [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[سعيد البلوشي]

صح لسان أخي ولا هان فكرك

أبيات جميله من شاعر أجمل

تقديري الدائم

[habeeb alqurni]

حروف غاية في الروعة .. لا هنت
صح الله لسانك تريليونات .. والقصيدة تشفع لك في غيابك

أغلى التحيّات

[الوزن الثقيـل]

صح لسانك ولاهنت