نيوف,,لـ الغياثين..

[ذوووق ومنآآآوي]

نيووووووووووووف
:

يروح الزمان وطـاري الفقـر يانيـوف
يرد الفؤاد الـدرك عـن مـارد العـدي

على طيش راسي سير الايام دق دفـوف
يضوي بي الهاجس على الصوت ويـودي

وانا البارحه ياخوي مروا علـى ضيـوف
ضيوف(ن) خذو مدي ولا قـدرو ردي

اقدر عطايا كفوف واحقر عطايا كفـوف
ولاحد(ن) على مدات يمنـاي متعـدي

اجازي هل المعروف بالطيـب والمعـروف
علشان ما أسمع قولت : فـلان متـردي

تمالو يبون اللعب ياتي علـى المكشـوف
ولا أمحق من المكشوف والموقف الجـدي

تنجدتها محدود دخل(ن) على المصـروف
رصيدي صفر وان زاد دخلي على قـدي

تعلمت يابن الناس وشلون ألبس صـوف
تعلمت كيـف انـوخ الزمـل واشـدي

حداهم دخل عيني والاخر على السرجوف
تسابق على الملهـوف ماهـي بتنحـدي

فراق الولايف والقهر والعيـون تشـوف
تقٍالط علي لاشك مـا بيحـت سـدي

يطوف الحكي لاكن بعض الحكي ما يطوف
مع قولت افهـق/ انتبـه ويـش بابـدي

اشوف الليالي ثقال دورت رحي وشعوف
واذا ما جملت كفي عسي تنقطـع يـدي

وياكبرها كبراه أصهـل وانـا مكتـوف
وعيب(ن) على تكتف ايديني ماهـو ودي

واذا يعذر الرجال لا طاح قـو ظـروف
علي الحرام أن طيحتي تنحسـب ضـدي

ولو كانت الطيحه بوجهي ما منها خـوف
لاكن البلا والموت تلحق ثـري جـدي

وأنا جدي المعروف قصاف عمر صفـوف
يعتق الضعيف اللي من الوقـت منضـدي

دمار(ن) على الجبار ملجى وريف ضعوف
توفـي رحمـه الله شايـش ومتـحـدي

الا ياصدوف الوقت خفي على المصدوف
تنحي عـن معـرض طواريـه وصـدي

ترى الفقر فقر الحـظ ياصاحبـي نيـوف
صحيح انه اللـي يبنـي المجـد ويهـدي

::

^رآآقت لي..

 

 

 

 

 

 

 

 

توقيع : ذوووق ومنآآآوي

[المطنوووخهـ]

اشوف الليالي ثقال دورت رحي وشعوف
واذا ما جملت كفي عسي تنقطـع يـدي

وياكبرها كبراه أصهـل وانـا مكتـوف
وعيب(ن) على تكتف ايديني ماهـو ودي

واذا يعذر الرجال لا طاح قـو ظـروف
علي الحرام أن طيحتي تنحسـب ضـدي

ولو كانت الطيحه بوجهي ما منها خـوف
لاكن البلا والموت تلحق ثـري جـدي


ذوووق ومناوووي لاهنتي على النقل وصح لبسان المري