نواف محمد الصلبي..

[نواف بن واثل]

بسم الله الرحمن الرحيم
السلام عليكم ورحمة الله وبركاته

مسائكم جوري

حبيت أن انقل لكم قصيدة
واتمنى أن ترتقي الى ذائقتكم

.
.

ناح اللذي بين المتاهات محبوس
بين الضلوع اليابسات المحاميس

اللي من اللكعات والضيق متروس
وهموم تسكن باالمعنٌا متاريس

اسبابها غروٍ حور طرف منعوس
راع الرموش الفاتنات الفواعيس

اللي دعى قلبي متاهات وطعوس
وعروق قلبي ممحلاتٍ ميابيس

مافاد به طيبي ولاتنفع دروس
ذاك اللذي خلا حياتي مطاريس

جرح الهجر بين المعاليق مغروس
انتج همـومٍ ساطياتٍ مفاريس

الجرح ماقد شيف يافلان محسوس
يسار صدرٍ خالجَته الاحاسيس

جرح الهجر ضاقت من اسبابه نفوس
ايو الله انه ينحل الحال ويريس

هذا عنا قلبي من البعد مطموس
والليل لاعسعس تجيه الهواجيس

لو البخت ياقلب ينبـاع بفلوس
ماكان حنا من الغوالي مفاليس

من عقب مانا منعمٍ صرت محيوس

بسباب ترفٍ طاع قول المناحيس

اللي جهل فعلٍ مزيف ومدروس
مدروس من سود الوجيه المعابيس

درب الهوى بالهم والعذل مغموس
مافاز من يمشي على وعرة الريس

كم عاشقٍ من هجر الاحباب معموس
دايم على العاشق تموج التضاريس

ومن غث نفسه يحسب الحب ناموس
ماظن في طرد العذارى نواميس




والسلام خير ختام

 

 

 

 

 

 

 

 

[سعيد محمد القحطاني]

ومن غث نفسه يحسب الحب ناموس
ماظن في طرد العذارى نواميس

ياسلام صح لسان الشاعر والناقل وبيض الله وجهك
على حسن الاختيار يبو واىل قصيده من اجمل
وأجزل ماقرات ولكن أخب أنبهك ان القصيد المنقول
في قسم ثاني اسمه نبض القوافي تحيات وتقدير
اخوك سعيد القحطاني ولاهنت

[محمد الوريكي]

صح لسان قايلها
ويسلم كاتبها

[رمق]

ومن غث نفسه يحسب الحب ناموس
ماظن في طرد العذارى نواميس



الله .. الله ..

صح لسآن قايلهــا ..

ويعطيك العافيــه ع نقلهاا

[نواف بن واثل]

الله يعافيكم جميع وهذا فخر لي ووسام على صدري كل من اسلف وعلق على القصيدة

وشكرآ لتنبيه..

وانا لم انقل القصيدة بل هي لي وانا الشاعر


كل الشكر لكم ..

اخوكم ابن واثل

[نواف بن واثل]

اقتباس المشاركة الأصلية كتبت بواسطة سعيد محمد القحطاني ومن غث نفسه يحسب الحب ناموس ماظن في طرد العذارى نواميس ياسلام صح لسان الشاعر والناقل وبيض الله وجهك على حسن الاختيار يبو واىل قصيده من اجمل وأجزل ماقرات ولكن أخب أنبهك ان القصيد المنقول في قسم ثاني اسمه نبض القوافي تحيات وتقدير اخوك سعيد القحطاني ولاهنت

الله يقويك كلامك وسام على صدري..

[نواف بن واثل]

اقتباس المشاركة الأصلية كتبت بواسطة محمد الوريكي صح لسان قايلها ويسلم كاتبها

يالبى الطله تسلم اناملك

[نواف بن واثل]

اقتباس المشاركة الأصلية كتبت بواسطة رمق ومن غث نفسه يحسب الحب ناموس ماظن في طرد العذارى نواميس الله .. الله .. صح لسآن قايلهــا .. ويعطيك العافيــه ع نقلهاا

صح ابدانك لاهنتي على الكلام الطري

[الماسـه]

صح لسآنه
وتسلم والله يانوآف

ابدعت بإختيآرك الله يحفظك يآرب

[سعيد محمد القحطاني]

اخي نواف انا اعتذر منك
ومن جميع الزملا يبدو اني من اوهم البقيه
حتى حذو حذوي بان ألقصيده منقوله وهناك
اخطأ يقع فيها الناشر والمشترك بالردود حينما يذكر
الناشر بالمقدمه انقل لكم والمشارك حين يقول شكرًا على
النقل فالعبارتين السابقتين تأكد نقل المشاركه واقول صح
لسانك والمعذرة وهذا مااستندت اليه

حبيت أن انقل لكم قصيدة
واتمنى أن ترتقي الى ذائقتكم

وكذالك الاسمين المختلفين