لوحه حزينه .. احتاج لنقدكم الهادف

[منصور المنصور]

السلام عليكم ..

مساكم الله بالخير جميعا واسمحوا لي بمشاركتي المتواضعه والتي من خلالها احتاج الى نقدكم الهادف ودعمكم وتشجيعكم لكي ارتقي بقصائدي الى الافضل والى ذائقه ترضي الجميع ان شاء الله وهذا طبعا بعد توفيق الله سبحانه ثم بدعمكم واخذ الاستفاده منكم ..

قصيده بعنوان لوحه حزينه ..

امسكي ريشة غرامك وارسمي فيني الملامح ..
واطفي أنوارك وقـِيدي في مكانك بس شمعه ..

وارسمي لوحه حزينه تعكس إني فيك سارح ..
وإن غفت عيني تراها تذرف جروحي بدمعه ..

ما بغيت دموع حزني مير دمع العين فاضح ..
كيف أبـ أخفيها وهي تَبرق على الخدّين لمعه ..

راحت اللي غلاها في وســـط روحي يرامح ..
مـات حبـــي واندفن به ليـت للمِيـت رجـــعه ..

احتري بكره وأشوف اليوم ما يَـفْرِق لبـــارح ..
واذكر البارح واهوجس وين صوته ما أسِـمْعَه ..

حبنــــا اللي جمعــنا ما قــــوى في حظّ طايح ..
لا طلبته يبتســـم لي شانت علومـــــه وطبعه ..

احتزمت بقصيدي وان بغــــى الحرب رايح ..
والبــلا جيـــش حظّي صعب يا قــو قمعــــه ..

انهزم حرفي وطيـر الوَرْق من فوق نايــــح ..
وانكسر غصني وطارت كيف وأعيد جَمعـه ..

سامحيني يا غرامي وأنت تدري بي أسامح ..
دام حالك وحالي للأســـف زاد وضعـــــه ..

وارسميني لا بغيتي لون وجهـــي لون فاتح ..
وامحي الدمعه ابــــد للمِـيت ما فيه رجعــــه ..

وسلامتكم ..

 

 

 

 

 

 

 

 

[شايمه]

لوحتك رائعه ومعبره.....
المنصور.........الى الامام...........

[منصور المنصور]

اقتباس المشاركة الأصلية كتبت بواسطة شايمه لوحتك رائعه ومعبره..... المنصور.........الى الامام...........

كل الشكر لك اختي شايمه على تشريفك واشكرك على اطرائك ..

[فالح بن مسلط ال ضحيان]

قصيدة ممتازة جدا ... يعطيك ربي العافية ,,,

[منصور المنصور]

اقتباس المشاركة الأصلية كتبت بواسطة فالح بن مسلط ال ضحيان قصيدة ممتازة جدا ... يعطيك ربي العافية ,,,

هلا فيك اخوي فالح والله يعطيك العافيه على تشريفك وكلامك وعلى تشجيعك ودعمك اللي زادني شرف ..


كل التحاايا لشخصك ..
منصور المنصور

[عاليه]

ابداااع من جد كلمات راااائعه
واحساس عانق السحاب

انا ما اتكلم عن الوزن والقافيه فان شاء الله اهل الخبره
يفيدونك
اما انا اتكلم عن البوح قمه

تستاهل التقيم

[منصور المنصور]

اقتباس المشاركة الأصلية كتبت بواسطة علمتني الحياه ابداااع من جد كلمات راااائعه واحساس عانق السحاب انا ما اتكلم عن الوزن والقافيه فان شاء الله اهل الخبره يفيدونك اما انا اتكلم عن البوح قمه تستاهل التقيم

هلا فيك "علمتني الحياه "..

اشكرك على تشريفك الراقي والجميل والاروع سيدتي هو حروفك التي نثرتيها هنا ..


الله يعطيك العافيه واكيد اهل الخبره ماراح يقصرون ووجودهم بلا شك يهمني كثير ..



كل التحايااا لشخصك ..
منصور المنصور ..

[سهيلْ الشّعَرْ]

ما بغيت دموع حزني مير دمع العين فاضح ..
كيف أبـ أخفيها وهي تَبرق على الخدّين لمعه ..

راحت اللي غلاها في وســـط روحي يرامح ..
مـات حبـــي واندفن به ليـت للمِيـت رجـــعه ..

":» مبدع يالغآآلي مبدع .،. حبيت هالبيتين بالاخص .. والقصيده عمومن .،.

ابدعت فالصور الشعريه .،. وللامام دوم .،!

تحيآاتي

[منصور المنصور]

اقتباس المشاركة الأصلية كتبت بواسطة سهيلْ الشّعَرْ ما بغيت دموع حزني مير دمع العين فاضح .. كيف أبـ أخفيها وهي تَبرق على الخدّين لمعه .. راحت اللي غلاها في وســـط روحي يرامح .. مـات حبـــي واندفن به ليـت للمِيـت رجـــعه .. ":» مبدع يالغآآلي مبدع .،. حبيت هالبيتين بالاخص .. والقصيده عمومن .،. ابدعت فالصور الشعريه .،. وللامام دوم .،! تحيآاتي

يا هلا وغلا فيك اخوي سهيل ..


اشكرك على تشريفك وحضورك واشكرك على اطرائك اخي الكريم وابداعي لا يكتمل الا بدعمكم وتواصلكم ..


كل التحايا لشخصك ..
منصور المنصور ..