يالله لا تسفهنا

[ناصر الشريف]

[poem=font="simplified arabic,6,blue,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
يا الله اني طالبك يا الله لا تسفهنا=يا معين المستعين ويا مجير المستجير

عاد حن ما قد بدينا شي ولا شرفنا=وعاد دعوانا معى العربان يا ربي بخير

وان تشرهنا على العقال جت شرهتنا=وان خذينا سر ما نبديه من جوف الضمير

يا عرب يا ناس يا اهل المنتدا طرفنا=عن تحدي بعض خلق الله لو المعنى قصير

ان تعرفنا على روس العرب عرفنا=وان تحدينا طلبنا راعي السيف الشطير

لكن ظروف الزمان التاليه غرتنا=طلعة خدام واخفت هيبة اسطول الامير

كرموهم يحسبون افعالهم ضرتنا=لا حشى والله ما هد الحمل متن البعير

كيف لا جا للمواجه والسبل جرتنا=هل يوقف من شرد في سلمها حل السعير

النذل لا من دعي في لازمه صرفنا=والشلي يثبت ولا يهتاب من صوت النذير

بصمتي مثل القمر في ليلته سرتنا=للملاقا حسها ياتي كما البدر المنير

ما تحسفنا على شي كتم صفتنا=وما تعنينا لجل نجني معادات النصير

كلمة الشعر الحقيقي هي فقط لفتنا=وان تنازعنا عليها نحفظ حقوق الكثير

لا حضرنا ما تكلفنا ولا كلفنا=وان رحلنا نحفر الذكرا على عين الضرير

البلاغه والجمال العاطفي حفتنا=والشهامه سيلت بعروقنا مثل الغدير

ما تعذرنا عن الواجب ولا حرفنا=ولا تهربنا من الواقع لجل نرضي صغير

نحفظ حقوق الاوادم ونعرف عفتنا=بس ما نسفه عزيز الجاه ونهين القصير

يا الله اني طالبك يا الله لا تسفهنا=خل مقداري معى العربان يا ربي كبير
[/poem]