أكافح الضيقه بضيقات وأكدور

[هياف السبيعي]

بسم الله الرحمن الرحيم
هذي كأول مشاركه لي معكم أتمنى أن تحوز على رضاكم

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالوا لي القمراء ترى سرها نور=قلت أسألوا منهو بشعره قصدها
سمعوا قصيد فطيس بالحب منثور=قد قالها قبلي بشعره نشدها
يامحمد ابن فطيس معذور معذور=مايفهمك منهو يغني لسعدها
مثلي ومثلك عاش بالوقت مجبور=ينزف جروحاً ماعرف وش عددها
انا أدري أني بأخر العمر مقبور=وأني بنعمة خير غيري حسدها
لكن جرحي مايداويه دكتور=وحظي قرد نفسي وربي قردها
عشت الزمن عابر ولاني بمسرور=رحلة غراماً طولة بي أمدها
اكافح الضيقه بضيقات وأكدور=وأمشي على هم الليال ونكدها
اللي غلاه بتربة القلب محفور=روح ونيرانه بروحي وقدها
رغم الجفى مايمكن أسمع هل الشور=حتى ولو روحي تعايش زهدها
حبه سجين القلب وأضلاعي السور=وحراسه أشعاري ونفساً لهدها
أغليه واللي نزل التين والطور=ان المحبه في خفوقي عقدها
لكن طار الرزق في ريش عصفور=قفى وأشوف النفس عافت بلدها
والحين ياوجه القمر جرحك النور=على قلوب اهل الهواء أمر وأدها
[/poem]

اخوكم هياف السبيعي

 

 

 

 

 

 

 

 

[الفلوه]

هياف السبيعي
ابداع ارتسم هنا
بريشه فنان
لله درك على هذه الكلمات والقصيدالجميل
تقديرى ولاهنت
بانتظار ذائقتك القادمه
عطر وورد لروحك وقلبك
تقبل مرورى
امام رائعتك

[محمد بن عبدالهادي المري]

صح الله لسانك يا هيااف


مشاركه وبدايه جميله ورااائعه تبشرنا بقدووم شاعر جزل

الله يعطيك العافيه على النص الكبير

[شامان المري]

صح الله لسانك ياهياف
بدايه موفقه ونتمنى منك المزيد
ونتحرى جديدك
اخوك الصغير:شامان المري

[أمير الشريف]

صح الله لسانك يالسبيعي .. نص جميل جدا اهنيك عليه .. اتمنى ان ارى لك نص آخر لأن من يكتب مثل هذا النص يحق لنا متابعته .. بيض الله وجهك وصح لسانك مجددا ..

[هياف السبيعي]

صح أبدانكم ويسعدني ويشرفني تواجدكم وأبشروا باللي يسركم
حقيقه حبيت أبدأ معكم بإبيات حصري كأول مره أنشرها في النت لإني أنشر قصائدي فالمواقع تحت مسمى هياف السبيعي
أشكر الجميع

[سلطان المري]

مبدع مبدع ياهياف


شاعر ممتاز الله لا يضرك


وصح الله لسسانك ولاهنت


سلطان

[محمد الوريكي]

هلابك ياهياف ومرحبا
قصيده جميله وتسلم يمناك اخوي
لاهنت