بالله انتم شاعر ؟؟ ماضني

[يحيى الأسيود]

بسم الله الرحمن الرحيم



السلام عليكم ورحمة الله وبركاته



هذه القصيده موجهه لسوريـا ,,



وانا اتحمل كل عواقبها


ولاكني اطلب من الشاعر اللي يقول اني شاعر يحرك قلمه ولا يسكت


شفتو الاوضاع اللي صايره من المجرم بشار


هذي اول قصيده مني انا واتمنى الشاعر اللي ينقال له شاعر راع المواقف ,, يهزه الموقف ذا


واذا ما هزه الموقف مثل الموقف ذا ,, اقول على العروبه سلاما



شاعر غزل شاعر مقانيص شاعر
... شاعر وشاعر لا وشاعر مشاعر

شاعـر على قافــك جزيلن وصاعر
... تنقــى جــزيله دايمــن به فليحي

مـــن قـال بنــك شاعرن يا جزيلي
... او دايــمــن فعلك بشعــرك جميلي

لا لا وربــــي فــي بيـــوتك هزيلي
... ياكيف مـــا تفزع وحــره تصيحي

يا ســـوريا ربـــي معـــاك وخفوقي
... لابــــد ميغيــب الضـــلام وتروقي

ويعود فرحك في جمـــال الشروقي
... ويطيب من جرحه كسيرن جريحي

بشـــار يــــومـــه دانيـــن لا محاله
... ميــــدوم لـه ايـــــــران لــــوه بقاله

فاله شقــــى ويــــران ينهــى سلاله
... هـــذا كلامـــي والكـلام الصحيحي

ملعـــون خايس مــــال ميــل الكلابه
... والكلـب فـــي طبعـه وطبعه زلابه

والكلب مـوته مــــن شعـــوب الذيابه
... ميفيد لــــه قـــوه وكثــــر النبيحي

يا ســـــوريا بيــــروح عنـــك سلاما
... بيـــــروح عنك لا ويذهــب عداما

يـومه دنــــى قـــرب علـــي الحراما
... يا ســوريا قــرب وقــرب يصيحي


وسلامتكم

(( اللهم يارب انصر سوريـا نصراً مريحاً لها والى شعبها ))

 

 

 

 

 

 

 

 

توقيع : يحيى الأسيود

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

[عامر صالح ال شنيف]

صح شعورك وصح لسانك يا يحيى
حي القصيد إللي نهض من فيض سجات الشعور
وحي الشعور إللي أحتدم من ثار وأعلن للكفاح
ماني خلي من هم (شام المجد) وعروقي تفور
حزمّت قافي واعتصم قلبي وحيا للفلاح

للأبيات بقية إلى هناك
دمت بود

[خالد العبيريد]

حياك الله يابو احمد ,,

صح الله لسانك ولاهنت وخبري بك شاعر تعالج الامور بنظمك ولن اتطرق للسياسه او مجمل الشعراء لني لاساسي ولاشاعر لك بيت عساني اتقدم بمضمونه لك وياصل لك بالشكل الي ابيه ,,

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
درب السلامه مثل سلك الحريري=يلي على درب السلامه مغيري
ودرب القشر كبه مدامه خطيري=فيه الافاعي صوتها له فحيحي
[/poem]

لك خالص تحياتي وشكري وصح الله لسانك وقلبك مره ثانيه .

[يحيى الأسيود]

اقتباس المشاركة الأصلية كتبت بواسطة عامر الشنيف صح شعورك وصح لسانك يا يحيى حي القصيد إللي نهض من فيض سجات الشعور وحي الشعور إللي أحتدم من ثار وأعلن للكفاح ماني خلي من هم (شام المجد) وعروقي تفور حزمّت قافي واعتصم قلبي وحيا للفلاح للأبيات بقية إلى هناك دمت بود

كفـو كفو والله انت الكفـو ,, ولو ماودي بحماسكم مانزلتها بالعنوان هذا

اخووي الكريم ودي ان ارى القصيده كامله

[يحيى الأسيود]

اقتباس المشاركة الأصلية كتبت بواسطة خالد العبيريد حياك الله يابو احمد ,, صح الله لسانك ولاهنت وخبري بك شاعر تعالج الامور بنظمك ولن اتطرق للسياسه او مجمل الشعراء لني لاساسي ولاشاعر لك بيت عساني اتقدم بمضمونه لك وياصل لك بالشكل الي ابيه ,, [poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] درب السلامه مثل سلك الحريري=يلي على درب السلامه مغيري ودرب القشر كبه مدامه خطيري=فيه الافاعي صوتها له فحيحي [/poem] لك خالص تحياتي وشكري وصح الله لسانك وقلبك مره ثانيه .

من يوم يومك وانت شاعر فحل

بارك الله فيك ,, وانا والله لو ما ابي تفاعلكم وتحرك اقلامكم ماكتبت العنوان هكذا

[صقـــر عتيبـــه]

صح الله لسانكً واعتلى شانكً
قصيدة رائعه جدآآآ
كفيت ووفيت

واللـعـنه إبشـار الأسـد لاحـل طـاريـه
أصـدر عـلـى شـعـبـه حـكم الأعـدام

ياظالـمـن شـعـبـكً وش اللـي تـسـويـه
ويـمـهـلـكً رب البـيـت عـيـنـه مـاتـنـام
وسلامتكً

لكً مني خالص الشكر والإحترام
تحياتي

[عامر صالح ال شنيف]

اقتباس المشاركة الأصلية كتبت بواسطة يحيى الأسيود كفـو كفو والله انت الكفـو ,, ولو ماودي بحماسكم مانزلتها بالعنوان هذا اخووي الكريم ودي ان ارى القصيده كامله

مااااااااااااااااااااااااااااعليك زود يالنشمي
القصيدة قيد التنفيذ....حلوه هههه
وابشر إنشاء الله تراها

[يحيى الأسيود]

لاهنتم يا اللي مازال الخير فيكم

[ترانيم المطر]

صح لسانك يا شاعرنا ومو لانا ما قصدنا بسوريا ما صرنا شعراء بس كل إنسان له مجاله
[poem=font="simplified arabic,6,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كلن يهزه يالاسيود مجاله = والله يجنبنا الفتن والضلاله
الشيخ وصى قبل موته عياله = ابعد عن الزله وخلك صريحي

[/poem]

[يحيى الأسيود]

ترانيم رد موقر ,,

لاكن قلت القول ذا ,, على شان تسير الاقلام ,, ولا كلكم اخوان وغالين