ماجد بن خرصان ~ ذروة المجد

[ماجد بن خرصان]

ذروة المجد



اللي يقول : ان المراجل بـ الاقوال
عز آلله انه . . . . . ياعرب يفتقدها
المرجله طَيَب . . وتثابيت ..وافعال
والدين ..هو ساس الفعول وعمدها
والوقت لامنه . . عدل فيك ثم مال
لا تشتكي جور الليال . . . ونكدها
"سنة حياتك" 'كل يومً على حال '
بعد العنا . . . يرزقك ربي سعدها
وحذراك من رجلً "مخادع وحيال "
اليا خذا حاجته . . . .يقفي بعدها
همه هو الدنيا. . . وهمه هو المال
والا " القناعه " ... يارفيقي فقدها
وعليك باللي . . . حزة الجد رجال
يثمن العشره . . . . . . ولا ينتقدها
لا ضامتك دنياك واصبحت معتال
ذراعك يمينك... في اللزوم وسندها
ابعد عن اللي ...يتبع القيل والقال
واللي يذم الخلق... واللي يحسدها
واللي 'يجاهر بالمعاصي' ويختال
واللي يمينه . . . . . ماتوفّي وعدها
ورموش عينك حطها" لامك "ظلال
ابعد شقاوتها . . . . .ودور سعدها
وابيك لا تعصيه . . . لو قال م قال
فيما يطيع آلله . . . . وغيره جحدها
ولا تقطع ربوعك.. . . علشان عذال
وانت السنافي. . . . وقفته نعتمدها
واليا بغيت البنت فانشد عن الخال
لا "طاب ذكره" . . " ماتردى ولدها
واليا طمعت "بذروة المجد"تشتال
ذيك الحمول اللي . . . طويلً امدها
ولو كانت اموالك من الجال للجال
" ماتشفع "ولو هو تضاعف عددها
فالقبر. . مايبقى مع المسلم ريال
يبقى الذكر وثمار الامس يحصدها
والعمر مهما طال ي صاح م طال
دنيا الفنا . . . .حذرى يغرك رغدها
اليوم في الدنيا " وفي الغد رحال "
"وكم نفس في 'لمحة بصر' نفتقدها! "



ماجد بن خرصان

 

 

 

 

 

 

 

 

[رشيد]

ماشاءالله عليك

صح لسانك ياماجد

[ماجد بن خرصان]

صّح بدنك يارشيد آلله يسعدك

[أم عمر]

الشاعر ماجد بن خرصان

صح لسانك على هذه القصيدة الجزلة الرائعة

لا هنت


تحيتي وتقديري وتقيمي

[ماجد بن خرصان]

صّح بدنك اختي الكريمه