نــبــض الــــــغـــــلا

[البندري]

هـلا مرحبابـك عقـب ذاك البطـا واهليـن

تفـضـل مكـانـك خالـيـن مـحـدن حـاشــه

تربـع بموقـي واسكـن أعيونـي الثنتـيـن

واذا ماعجبك انزل على القلب مع جاشه

أنـا ابيـك تحتـل الحنايـا مــن الصوبـيـن

ومع اعروق قلبي شارك الـدم ثـم ماشـه

تـرا عـادت الفـرقـا تبـيـن غــلا الاثنـيـن

وانا اشـوف حبـك بالحشـا محـدن ناشـه

علـى كثـر ماطـول غيابـك ثـلاث اسنيـن

تحملـت شـي(ن) بالخفـا مـحـدن عـاشـه

تعايشـت انـا والهـم والجـرح ويـا البيـن

وذكــرن قديـمـه والاحاسـيـس جـيـاشـه

ولكن ترا فيها الامـل مانقطـع مـن ويـن

مـن اول فراقـك لأخــر العـمـر معتـاشـه

أبصبر ولو جرح الزمن زادنـي جرحيـن

وانا ادري ليـال الوقـت تنكـب وغشاشـه

ولـكــن قـســم بالله واعــاهــدك يـمـيــن

ماينسـاك قلبـي دام نبـض الـغـلا عـاشـه

 

 

 

 

 

 

 

 

توقيع : البندري

[poem=font="Traditional Arabic,5,sandybrown,bold,italic" bkcolor="limegreen" bkimage="backgrounds/21.gif" border="ridge,5,sandybrown" type=0 line=0 align=center use=sp num="0,black""] دام الدلع وهبه وزيني وراثي=اطلق شنب مواقفي عند حدي أنا يميزني أسلوب(ن) حداثي=ولو..عيبوني الناس ماهوب قدي وأن قلت أنا أسمي بشكل(ن) ثلاثي=اما أخضعو لــ ..أبوي ولا..جدي [/poem]