تدري وش اللي يجرح القلب جرحين

[الماسـه]

تدري وش اللي يجرح القلب جرحين
ويمد حـبل الحزن فيك ويشده

إنك تناظر طفل من غير أبوين
يمشي ودمعة سايل فوق خــده

منظر صعيب ويقسم القلب قسمين
لا قـام يمسح دمعة بكف يــده

يمشي ولا يدري طريقه على ويــن
لــيــن الـتعـب مـن كثر ما تاه هــده

أثقل حروف يشيلها فيه حرفين
لا أب يـدري بـه ولا ام تــرده

في خطوته رحلة ودمعة وسكـين
وحـظ تـوسد بالمـراسي مـخـده

جيت اساله بالله قلي ولـد مـيــن؟؟؟
وأبـغــى يـجـاوب.. واختـنق صوت رده

أنــا يـتـيم ومـا لــدربــي عـنـاويـــن
وجــزر الحـزن فيني يسـاوي لـمده

وطـعم الطفـولة ما عـرفته لها لحين
وثــوب الســعادة صــرت ما نيب قـده

أبـكي إلــى من شفت غيري سعيـديـن
لـيـن الـبكـــا فـيـني يـوصـل لـحـده

وأقفى ورحت أمسح دموعي من العين
وعـيـني تـناظر دمعـته فــوق خـــده

وهـذا اللي يـجرح الـقلب جـرحين
ويـمد حـبــل الـحـزن غصب ويشده
..................................................


عجبتني كثير
قطعت قلبي كثير

 

 

 

 

 

 

 

 

توقيع : الماسـه

الاسْتِغْفَار ~ يُحَوّلْ الامْنيَة إلَى وَاقِعْ وَ يُفَرّجُ الضّيقَ بمَا يُشْبِهُ المُعْجِزَة ~ أسْتَغْفِرُ الله العَظيمَ وَ أتُوبُ إلَيْه ♥!!~ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]